قالت الاعلامية ريهام سعيد إنها ستتعرض لهجوم بعدما استضافت "ملحدة" وقامت بطردها، مضيفة: "أنا بقول للناس دي اخبطوا رأسكم في الحيط". وأضافت ريهام سعيد ، مقدمة برنامج "صبايا الخير" على قناة "النهار"، في إحدى فقرات البرنامج بعد "طردها للملحدة": "مكنتش بقولها يا مجنونة وبشتمها لا، أنا بقولها يا مجنونة لأنها مريضة، والمصيبة فيه كتير زيها وناس كتيرة قدرت تقنعهم بكلامها ده". وعن طردها ل"الملحدة"، بررت "سعيد" ذلك بقولها: "لم تحترمني، ولم تحترم فكر الآخرين، ولم أفعل هذا مع الشخص اللي استضفته من قبل". وقالت: "ناس هتشوف اللقاء وهتقول هيا محموقة أوي ليه كده، دي عايزة اللي يسرق تتقطع أيديه، وهيا مش محجبة، أنا بقولهم شوفوا أكبر حيطة اخبطوا رأسكم فيها". وتابعت: "آه فيه ستات مش محجبات مش عارفة ربنا، فيه ناس مش ماشية على شرع الله وعلى كل تفصيلة، مش علشان هيا مش مؤمنة بيها ولكن علشان هيا مش قادرة تعمل كده، وأضعف من أنها تعمله". وأضافت ريهام سعيد: "كل اللي أملكه أقوله إن ربنا يحسن ختامها وختامنا وربنا على ما قد ما الشيطان ماسك دماغنا ميمسكهاش أكتر وأكتر".