دشن مجموعة من نشطاء الفيس بوك صفحة بعنوان "الشعب يريد انترنت عادل في مصر.. استرجل واطلب حقك" للمطالبة بتحقيق العدالة في توزيع باقات الانترنت من الشركات المسؤولة عن ذلك في مصر إضافة إلى إلغاء سرعات معينة، وتوعد أعضاء الصفحة -الذين وصل عددهم حتى الآن إلى مايقرب من 6000 عضو في أقل من اسبوع حيث دشنت الصفحة الخميس الماضي - بوقفة احتجاجية أمام القرية الذكية بطريق مصر اسكندرية الصحراوي يوم الخميس القادم للمطالبة بما نادت به صفحتهم. وكتب أدمن الصفحة "محمود محمد ابراهيم نصر" وشهرته "محمود ميمو" رسالة موجهة لوزير الاتصالات قال فيها .. مش هنسكت تانى على سياسة الاستخدام العادل.. مش هانسكت تانى على سرعات النت بالكليو بايت اللى اتلغت من كل الدول.. مش هانسكت تانى على النهب والسرقة العلنية وكفاية اوى لحد كدا... احنا مطالبنا مش كتيرة إحنا كل اللى بنطلبه إنترنت زى باقى دول العالم إحنا بنطالب ب: 1-إلغاء سياسة الإستخدام العادل 2-إلغاء سرعات الكيلو بايت (32-64-128-256-512) 3-إلغاء التحميل المحدود والتحميل بسرعات معقوله مش 50-70 4-تخفيض أسعار الإنترنت وجعلها فى متناول الجميع 5-أقل سرعه تكون اتنين ميجا على الأقل زى ما الوزير قال ... إحنا مش بنطلب المستحيل إحنا ثورتنا قامت على العدالة وبنطالبكم بيها وإحنا مش أقل من الدول التانية اللى عندها سرعات خيالية بالنسبة لينا وياريت الناس كلها تفوق ونقول كلنا مع بعض بصوت واحد لا للظلم ولا للسلبية ولا للنصب وكفاية اوى كدة.
