يشهد يوم 27 سبتمبر المقبل مواجهة مرتقبة بين الأهلي والزمالك، في كأس السوبر الأفريقي، بالمملكة العربية السعودية. وفي هذا الصدد تحدث محمد صلاح، نجم الزمالك السابق، قائلًا: «الماتش صعب من الناحية الفنية، لأنه بداية موسم وأداء الفريقين لسة مش باين». وأضاف في تصريحات عبر إذاعة «أون سبورت إف إم»: «ده وضع طبيعي، الموسم انتهى متأخر وفترة الإعداد، لكن في الأول والآخر اللي يلعب في الأهلي والزمالك لازم يبقى كويس وملهاش أي ظروف». وأكمل: «لكن عايز أقول إن عندي اطمئنان إن الزمالك هيكسب، هو مدناش صورة كاملة عن الأجانب أو الصفقات اللي جات، وده نوع من حرب الكلام في كرة القدم». وتابع: «الأهلي عنده مشاكل احتفال وده مكانش موجود قبل كدة، شوفنا صور للاعيبة بتسهر، وبتحتفل مطاعم، وبنشوف إن ده وضع اختلف في النادي الأهلي».