التدوينة بعضها سياسي و البعض الأخر تكنولوجي .. سبب إني كتبت التدوينة دي إني قرأت الموضوع ده و فضلت أفكر فيه أوي .. إشمعنى النت عندنا بيبقى بطيء و بيقطع !! طيب إحنا بندفع حق سرعة النت ولا زيادة عن الحد ولا أقل ؟! فضلت أسأل نفسي الأسئلة دي .. و كنت عايز رد !! و قولت مبدهاش بقى .. أولاً الموضوع كالآتي :: أعلنت شركة تورك تليكوم في تركيا رفع سرعة الانترنت بداية من أول شهر يناير المقبل، بحيث تصل سرعة ADSL2 16 ميجا بايت، وسرعة VDSL2 إلى 50 و 100 ميجابايت. وقالت الشركة أنها قد طورت خدماتها واستثمرت في مجال تكنولوجيا الانترنت منذ عام 2008 إلى الآن 8.1 مليار ليرة تركية أي ما يعادل أربعة مليارات يورو. وحسب الشركة فقد ارتفع عدد مشتركي خدمة ADSL من 1.5 مليون عام 2005 إلى 6.5 مليون مع نهاية عام 2010. وفي ظل التطوير التكنولوجي الجديد الذي قامت به الشركة أصبحت خدمات الانترنت فائق السرعة بسعة تبلغ 5.5 مليون مستخدم لسرعة 16 ميجا بايت وما فوقها، و3.1 مليون لسرعة 32 ميجا وما فوقها، و2.2 مليون مستخدم لسرعة 50 ميجا وما فوقها، و600 ألف مستخدم لسرعة 100 ميجا بايت. وتبلغ قيمة الاشتراك في خدمة الانترنت سرعة 100 ميجا بايت مع 100 جيجا كحد أستخدام عادل نحو 99 دولاراً شهرياً . هذا المحتوى من : أخبار العالم قولت لازم أشوف بقى 99 دولار شهرياً دي توازي كام بالنسبة لعملة تركيا طبعاً Google كان مساعد كبير اوي في الموضوع ده :) لحد لما لقيت بقى المفاجئة !! http://e3raf.files.wordpress.com/2010/12/tur.png?w=429&h=111 ده التحويل من دولار لليرة تركية .. و العكس يعني دي أسعار عندهم طبيعية جداً هتقولي فرق العملات بينا و بينهم ! هي تركيا عندها إيه غير السياحة اللي إحنا فرحانين بيها برضوا هنا ؟! طيب قولت مشيها .. و خلي نفس السرعة دي بس بالمصري !! يعني المفروض بقى نقول مثلاً 600 جنية مصري لسرعة 100 ميجا قولت أبص على TEdata و أعرف الأسعار كده بالنسبة لأعلى سرعة موجودة عندهم http://e3raf.files.wordpress.com/2010/12/eg.png?w=418&h=131 طبعاً الصورة هي اللي توضح الفرق !! يبقى الموضوع فيه حاجة غلط !! طيب لما دي سرعة النت اللي إحنا عمالين نقول الحكومة الإلكترونية !! يلا ربنا يستر بقى :)
