أعرب الفنان هاني رمزي عن حزنه الشديد للأحداث المؤسفة التي وقعت في منطقة ماسبيرو، وراح ضحيتها العشرات.. وقال رمزي في مداخلة تليفونية مع قناة CTV: من حقي ان ادعو الشعب المصري بالكامل "مسلمين ومسيحيين" للحداد .. "من حقي ان ادعوه ان نكون في فترة حداد من اليوم وحتي يوم العيد ونقول للناس اننا كلنا "حزنانيين .. لان دي ف يالنهاية بلدنا وصورتها تهمنا وشعبها يهمنا ونجاحها يمهنا وكل حاجة فيها تهمنا". وأضاف رمزي: الحزن اصبح في قلبنا كبيرًا ولا يمكن وصفه .. ونحن محبطون .. ومش مصدقين .. وما اعتقدش ان المرة دي حيبقي فيه اعذار او اي نوع من انواع التهدئة.. وأكد رمزي انه اطفأ شجرة عيد الميلاد وسيغلق تليفونه ولن يتلقي اي تهنئة بالعيد لأن الحزن في كل القلوب وفي كل البيوت وهذا لا يرضي احدًا .. وانتقد رمزي التغطية غير المتوازنة لبعض الفضائيات قائلا : اللي حزني اكتر ان بعض القنوات الفضائية ابتدت تقول كلام مش لطيف .. وانا مندهش ليه الكلام دا .. فيه اتهامات للمسيحيين انهم عملوا كدا ..وفيه اتهامات تانية ان دا نتيجة وفاء قسطنطيين .. ونتيجة كاميليا شحاته ..يعني خلاص زهقنا من كل هذه العبارات. وتساءل رمزي بقوله: انتوا مستكترين علي الناس دي ايه ..دول عايزين يجدوا مكان للصلاة ..ويصلوا بامان مش اكتر من كدا ..وبعدين الشعب دا ماهو حارب علشان البلدي دي وبيدفع ضرايبه وبيشتغل وبيحاول يسعد الناس ..وكل واحد بيشوف شغله كما ينبغي ان يكون ..المقابل لدا سيبه يا اخي يصلي ..اكتر من كدا ايه ..همة طالبين دور عبادة ..كنيسة يصلوا فيها بامان ..مش اكتر من كدة ..انا مندهش ايه المشكلة ان الناس دي تصلي ؟..ولو صلوا ح يحصل ايه ؟ مين ح يتضر ؟ وقال رمزي: انه تلقي تعازي من كل مكان والحقيقة ان هناك مشاعر جميلة من كل الناس والناس حزينة بجد لان كل واحد ح يحط نفسه مكان الطفل اللي مات ولا الاب اللي مات او الام اللي اتصابت ..بيوت اتهدت. شاهاد الفيديو الفنان هاني رمزي