نفى أدمن صفحة "أنا آسف يا ريس" على موقع "فيسبوك"، أن الرئيس الأسبق محمد حسني مبارك، "انكسر أو بكى" أثناء نظر جلسة قضية قتل المتظاهرين والفساد المالي، أمس السبت. وقال حسين، خلال مداخلة هاتفية على قناة "صدى البلد"، قائلًا: "مش حسني مبارك اللي ينكسر أو يبكي.. كل الجرائد و الصحف خرجت علينا النهاردة بتقول مبارك بكى، مبارك عيط، كأنهم بقالهم 33 سنة نفسهم يشوفوا الراجل ده في لحظة انكسار ولحظة هزيمة". وأضاف: "كل اللي حصل النهارده أن الرئيس مبارك وهو داخل قفص المحاكمة قلع النضارة ومسح عينيه من العرق، وبعدها مباشرة ضحك وشاور لنا". كما شدد على أن "الرئيس مبارك لم يبك نهائيًا.. ده مبكاش لما سمع حكم المؤبد عليه، هيبكي دلوقتي؟"، وخاطب إحدى الصحف الخاصة بقوله: "للأسف بتنشر بالبنط العريض أن مبارك يبكي كأنهم بيتشفوا فيه، ومايعرفوش إن العقلية العسكرية عنيدة إلى أقصى درجة، ومش حسني مبارك اللي ينكسر أو يبكي".