حضرتك احنا مجموعه بنات عاملين حركه نسائيه جديده اسمها عاوزين حقنا ؟ -اهلا بحضرتك وربنا يوفقكم كنا عاوزين حضرتك تتكلم بأسلوب ساخر عن تهميش المرأه في المجتمع المصري ؟؟ -نعم !!! تهميش المرأه وأسلوب ساخر !!!طب ايه المقابل هنشتري من حضرتك المقال ب 50 جنيه ولو الدنيا مشيت هيبقي ليك لقمه عيش حلوه ؟ -50 جنيه !!! انا كتاباتي لا تقدر بتمن وبعدين تهميش ايه اللي المرأه بتعاني منه في مصر !!! لحد امتي هتفضلوا عايشين في دور الضحيه،،،قعدتوا تقولوا معا لتصبح المرأه نصف المجتمع لحد ما بقت كل المجتمع،،،حضرتك احنا اقليه دلوقتي،،،احناالرجاله ا اللي عاوزين نبقي نص المجتمع بجد البنت من أول ما بتتولد وهي واخده حقها تالت ومتلت: كام ولد اضرب بسبب اخته الصغيره أو الكبيره من ابوه أو امه بسبب دموعكم دموع التماسيح،،،واستغلالكم لهرمونات الانوثه في غير موضعها كام طفل اخته نزلته في اواخر الشتا قبل اللي فات عشان يجيبلها حاجه من السوبر ماركت أو الصيدليه كام واحد نزل يوصل اخته درس الكيميا عند مستر حمدي وحش الكيمياء حضرتك عندنا البنت لو كتبت" يارب "على الفيس بوك بيجيلها 3000 لايك وتمنتلاف شير والعيال الحكاكه يدخلوا يقولولها قد ايه انتي عميقه،،، أنتي تقربي لأحلام مستغامني!!! في حين أن "الولد لو كتب تفسير الشعراوي كله محدش بيعبره وبيعمل لايك لنفسه عشان يسلي نفسه حتى المترو نصه عربيات سيدات والنص التاني سيداته حتى السادسه،،،وعربيتين رجاله وبتركبوا فيهم برضه وتلاقي البنت تيجي تقف جمبك وترفع النضاره الشمس،،،فتقوم وتقعدها،،، وأول ماتقعد تنزل النضاره الشمس تاني عادي جدا ولا كأن في اعتبار للبني ادم اللي واقف ده حتى الشغل،،،كل الشغل مطلوب انسه حسنةالمظهر،،،طب بالنسبهةللشباب اللي عاوز يشتغل عشان يتجوز ولا الهوا. ولو شغاله في الحكومة مجرد ماتولد بتاخد اجازهة3 شهور مدفوعه الاجر،،،وأول ماترجع بتيجي متاخر ساعه عشان واخده ساعه رضاعه،،،اللي هو لو مخلفه ممدوح فرج مش هيرضع في ساعه يعني. ولو نزلوا البنات سيلز على منتج في كارفور زي زبادي ولا شيكولاته البنت بتاخد ضعف الولد،،،في الاجر. البنت في الجواز كل اللي بتتحمله مسؤوليه اختيارها في حين أن الولد بيشيل الليله كلها الراجل مطلوب منه أنه يشتغل ويشقي ويصرف وهي تقعد تتفرج على قناه زي الوان وتعمل كيكه البرتقان وتضربها لوحدها هي والعيال،،،وفي الاخر قبل ماتنام تفتح الفيس تكتب" الهي انت تعلم كيف حالي" . وتقوليلي عاوزين نبقوا نص المجتمع !! طب عارفه انا كنت راكب النهارده ميني باص جت واحده نحو 120 كيلوا قعدة جمبي وكل شويه تقولي متتاخر شويه،،متتاخر شويه ياعم انت،،،ناهيكي أن واحده تقول متتاخر دي اصلا،،،بس خفت تقول اني بتحرش بيها قعدت اضم في فخادي لحد ماقطعت خلف،،،، نص مجتمع ايه ارحموا اهالينا بقي،،، انا هعمل حمله رجال بلا حقوق وهبهدلكوا دكتور جيمي،،،،هندفع في المقال 200 جنيه !! -ممممممممم،،،عاوزاه امتي حضرتك #الرجال_ربع_المجتمع
