رضا عبد العال: حسام حسن أفضل من موسيماني كشف رضا عبدالعال، نجم الأهلي والزمالك السابق، أنه يرى العديد من أبناء النادي الأهلي الذين اتجهوا لعالم التدريب، أفضل من الجنوب إفريقي بيتسو موسيماني، وعلى رأسهم حسام حسن، كما تطرق للحديث عن احتمالية انتقال محمد إبراهيم لاعب سيراميكا كليوباترا لصفوف القلعة الحمراء، مشيرا إلى أن طريقة لعبه لن تتناسب مع الفريق.
رضا عبدالعال: أبناء الأهلي أعلى من موسيماني مثل كشري وعلي ماهر وقال رضا عبدالعال في تصريحات خلال برنامج «اللعيب»، مع الإعلامي مهيب عبدالهادي، عن رأيه في جلب مدرب بديل لموسيماني: «هو حد كان يعرف فايلر قبل الأهلي، إحنا عايزين اللي يعمل بصمة، وجاي بفكر وإستراتيجية جديدة». وتابع: «حسام حسن ينفع الأهلي، نفس الروح، وعلى فكرة فنياته في الفترة الأخيرة ارتفعت، علي ماهر وأحمد كشري كويسين، دول أعلى من موسيماني وكلهم ولاد النادي الأهلي».
رضا عبدالعال: محمد إبراهيم بيلعب براحته في سيراميكا.. ومش هيلاقي الكلام ده في الأهلي وأضاف: «محمد إبراهيم لن يكون إضافة للنادي الأهلي، محمد إبراهيم معلم والأهلي مفيهوش معلمين، هيروح هناك يبقى فواعلي وهو مش متعود على كده». وأكمل: «محمد إبراهيم في سيراميكا بيضيع 5 أو 6 كرات ومحدش بيقوله حاجة بيلعب براحته، لكن في الأهلي اخدم نفسك بنفسك، مش هيلاقي الكلام ده».
عمرو أديب: الاهلى ناقص يشتكى من الرياح الموسمية علق الإعلامي عمرو أديب على هزيمة الأهلي من الوداد المغربي بهدفين دون رد في نهائي دوري أبطال إفريقيا هذا الموسم. وقال أديب في برنامج الحكاية عبر قناة إم بي سي مصر: "انا نفسي افهم هو لية الاهلي مبيعرفش يتقبل الهزيمة ولازم يكون عنده شماعات للهزيمة ده كان ناقص يقولوا الرياح الموسمية سبب الهزيمة من الوداد.... وفي لاعب هو طالع من الملعب لقح الميدالية الفضية وقالك اصل احنا منعرفش حاجه ف الكورة غير المكسب... يا راجل يعني انت يالي بتلعب ف دوري بتلاته جنية ونص احسن من لاعيبة ليفربول اللي لسة خسرانة دوري ودوري ابطال اوروبا في اقل من اسبوعين ورغم كده الناس رجعت بلادها واحتفلت مع جماهيرها بالكاسين اللي حققوهم هذا الموسم وخلاص الموضوع انتهي" أضاف: "نيجي بقا للاعلام المصري اللي مخصص كل البرامج تتكلم هو لية الاهلي خسر... مايخسر الاهلي عادي زي ما ليفربول وبرشلونة وكل اندية العالم بتخسر.. هو احنا هنسيب كل اللي ورانا ونسيب اشغلنا واكلنا وشربنا ونقعد نطبطب علي الاهلي عشان خسر بطولة... هو في اية يجماعة هو الاهلي ده طفل بيرضع هنقعد نطبطب علية عشان خسر" ختم: "وبعدين لما الاهلي يكسب يقولك روح الفانلة الحمراء والاهلي بمن حضر والاهلي لا يعرف الهزيمة.... ولما الاهلي يخسر لا اصل الحكم السبب اصل الاتحاد الافريقي السبب اصل الاتحاد المغربي السبب اصل الاتحاد الاوروبي والدولي السبب ماتخسر ياعم عادي زي اندية العالم كلها ما بتخسر هو انتوا واخدين حبوب منع الهزيمة"
اقرأ أيضًا: اخبار الزمالك اليوم | 4 صفقات سوبر .. ضم ثنائي الأهلي .. الزمالك يتمسك بصفقة نجم فيوتشر .. أول المنضمين للزمالك .. انفجار موسيماني .. عودة النقاز