قالولها مات وجابولها صورته .قالت ماماتش قالولها مات وجابولها حاجته متعاصه دم .قالت ماماتش جابولها ورقه من بنطلونه محلفها فيها لو مات شهيد تفضل تزغرط وماتصوتش فضلت تزغرط لحد صوتها ماراح خلاص وف الارض طبت وراحت مجاتش فالولها اصحي ابنك مماتش قامت تدور عليه وتنده في كل حته ولاحد رد ..تخش اوضته وعليه تدور ولا شايفه حد فتحت دولابه مسكت هدومه تشم ريحته لاقت هدومه ريحتها ورد ... اخدت قميصه وعينها نعست شافت حبيبها عمال بيضحك ويقول لها عاوزاني اموت ؟؟ انا يااما حي والله حي طب امسكيني والمسيني واحضنيني هاتي ايديكي وصدقيني انا لسه حي وصدقيني حقي جاي .. انا بس عايزك تكوني صامده وهتشوفيني في اي واحد واقف مكاني و لسه في الف غيري هيموت تاني ياأما اللي زيك تفرحي ابنك شهيد وعريس في الف عروسه في الجنه يااما مستنياني قامت ياعيني م الحلم تجري وتمسك في بدله وتقول ياابني ضاعت اماني وراحت امالي مين هيلبس البدله اللي جايبهالك انا كنت خايفه ماتعجبكش قالولي يابني ضناكي مات وبقول ماماتش اجيب حبيبي الصبر منين خلاص معادش ...ياناس دي اخر مره جاني مالحقش ييجي وماقعدش