التقى الفنان مصطفى شعبان، بوالدة النقيب هشام شتا، شهيد أحداث قسم كرداسة، ليحقق له أمنيتها بلقائه، نظرًا للتشابه الشكلي له مع الشهيد. الواقعة جاءت علي لسان الإعلامية إيمان الحصري، والتي قالت عبر صفحتها علي فيسبوك: "الحكاية بدأت برسالة من والد الشهيد النقيب هشام شتا (والنقيب هشام شتا للي ميعرفوش واحد من 14 ضابط وفرد شرطة استشهدوا في مذبحة كرداسة الشهيرة في 14 أغسطس 2013) بيحيكلي في الرسالة ان والده الشهيد هشام، بعد ما شافت فيلم اسمه كود 36 بطله الفنان مصطفي شعبان واللي في شبهه كبير جدا جدا من ابنها الشهيد، وبالصدفة كمان في الفيلم ده كان عامل دور ظابط شرطة بدأت تبكي بحرقة وتنادي عليه وتحضن الشاشة وتقول ده هشام !!". وأضافت عن والد الشهيد:" وهو نفسه يسعدها ويفرح قلبها ولو لدقائق فلو ممكن ان مصطفي شعبان وانا نزورها في البيت، لانها لو شافته هتشوف فيه ابنها، وهتبقي سعيدة ودي أمنيه لها، بس هو بيبعت الرسالة من وراها عشان لو وافق تبقي مفاجأة ولو رفض ما تزعلش، وانتهت الرسالة". وتابعت الحصري:" وصلت لمصطفي شعبان اللي كان صعب الوصول اليه عشان بيصور شغل رمضان ومن غير تفكير او تردد الحقيقة اول ما عرف الحكاية وافق علطول علي الزيارة وكان متحمس جدا حددنا الميعاد مع والد الشهيد اننا هنروح النهاردة، والأب قرر يعملها مفاجأة للأم وفهمها ان زملاء هشام (الله يرحمه)جايين يزوروها وكانت محضرة سفرة كامله احتفالا بيهم". كما أكدت الإعلامية: "الحقيقة المشهد اللي فتحت فيه الباب ولقت قدامها مصطفي شعبان والله العظيم مش لاقيه اي كلام يوصفه، بس ممكن كل واحد يتخيل حجم المفاجأة والدهشة والدموع والوجع والفرحة والالم والامل لأم اعتقدت ولو لدقائق أن ابنها عاد الي حضنها".