علقت زوجة مؤدي المهرجانات عصام صاصا، على ما تردد عن طلبها خلوة شرعية بزوجها بعد حبسه، بعدما انتشرت مؤخرا أنباء في هذا الصدد. وقالت زوجة عصام صاصا في مقطع فيديو عبر حسابها الشخصي على موقع إنستجرام: 'مش عارفة أبدأ الموضوع منين، بينزل عليا أخبار كذب كتير ومكنتش حابة أطلع أتكلم غير لما اطمن على عصام، لحد ما نزل خبر إني طلبت خلوة شرعية به، ودا كدب، والحقيقة أننا بقالنا فترة مشفناهوش وطلبت تصريح زيارة أنا ومامته، علشان نشوفه، فليه التحريف والكذب.. دخلنا في أعراض ومكنتش حابة أتشغل في حاجة زي دي دلوقتي، وتركيزي مع مشكلة جوزي'. وتابعت زوجة عصام صاصا: 'الموضوع دخل في سياق تاني خالص، والكومنتات وحشة، وليه التشهير بسمعة وأعراض الناس.. أنا أخدت إجراء قانوني ضد كل من حرف تصريحات.. وضد كل أكونت شهر بيا وبسمعتي، والنقطة التانية اللي عاوزة أتكلم فيها، هي كونك تكره شخص ميسمحش لك تغلط فيه وتسوأ سمعته'. وتابعت زوجة صاصا حديثها: 'أنا أخدت إجراء ضد أكتر من أكونت بيسوأ في سمعتي وبيشهر بيا، وده حقي ومش مسموح حد يسيئ ليا ولجوزي، ومش هسمح حد يتكلم عليه ومش هسمح حد يغلط فيا أو يسوأ سمعتي.. أنا متضايقة ومش عارفة أنا أذيت مين علشان يتقال عني كده'. A post shared by Gehad Maher || جهاد ماهر (@gehad_ahmed_official) وأكملت قائلة: 'أنا عندي مشاعر وبزعل ولما يتقال عليا كلام وحش بزعل، لكن لازم أوقف المهزلة دي لأن البلد فيها قانون، وبنفي صلتي بأي خبر كذب نزل، أنتم بتتكلموا في عرض وحاجة مش مسموح بيها وأنا مصرحتش بيها'.
