بصورة 'سيلفي' وضحكة وصفها متابعيه ب'العسل'، فاجأ شاب يُدعى محمود عبده، رواد التواصل الاجتماعي بمنشور عبر صفحته الرسمية بموقع التواصل الاجتماعي 'فيس بوك' كتب خلاله داعمًا المقبلين على الزواج: ' بصوا يا جماعة.. خير الناس أنفعهم للناس ده جاكيت خطوبتي اللي كانت من يومين.. واللي خطوبته قربت وظروفه المادية لا تسمح أهم حاجه لا تسمح يأجر أو يشتري جديد أنا بقوله اعتبر الموضوع اتحل.. الجاكيت ده مقاس 42 لو مقاسك خدوا قضي بيه خطوبتك ورجعوا تاني عشان غيرك ياخدوا ويستفاد به'. دعم المقبلين على الزواج وتابع عبده: 'المقابل حاجه بسيطه جدًا هو أنك تتبرع ب 50 جنيه لمستشفى 57357 من أي كشك عندك، ومكنه فوري وأنا مش هاخد منك مقابل نهائي وحط تحت نهائي 100 خط'. واختتم عبده: 'ماتكسفش تكلمني كلنا ظروفنا مخبطه متشيلش هم.. اعتبرني أخوك يا عريس وكلنا زي بعض'. تفاعل رواد التواصل مع المنشور وبجدعنة وشهامة، تفاعل عدد كبير من متابعي الشاب مع منشوره، لتنهال التعليقات بين مدح 'عبده'، وبين عرض مساعدات أخرى للمقبلين على الزواج'. فساتنين سواريه مجانًا وكتبت فتاة تدعى نهى جمال في تعليق على المنشور: 'هي جت عليا يعني!.. عندي فستانين سواريه لأي واحدة عايزه تاجر ومش قادرة ممكن تاخدهم تقضي مصلحتها وترجعهملي تاني ويارب نفرح بعض دايما كده'. بدلة العريس مجانًا بينما قال محمد خالد: 'هي جت عليا؟.. دي بدلة اتلبست مرة واحدة والله لو حد عاوزها ومش مقتدر يجيب بدلة أو ياجرها أهي بس متبقاش بخيل طلع أي حاجة لله بالفلوس اللي كنت هتاجر أو تشتري بيها وربنا يجعله في ميزان حسانتنا'. السيشن مجانًا بينما علق عز الدين محمد على المنشور قائلا: 'هي جت عليا؟.. أنا فوتوغرافر ومستعد أعمل السيشن لأي حد مش مقتدر على الأسعار دلوقتي ومن غير أي فلوس خالص والفلوس اللي كنت هتعمل بيها سيشن طلعها لله وكلو في ميزان حسانتنا ومتتكسفش تدخل تكلمني'. الكوافير مجانًا واستكمالًا لجدعنة المصريين قالت هاجر أحمد: 'أي عريس غير مقتد يخلي خطيبته أو مراته تروح لميكب أرتيست أو بيوتي سنتر عنيا ليهم والله.. ربنا يفرح الجميع'. ملابس للعريس مجانًا بينما قال محمود عادل في تعليق له: 'يا عم وأنت مش أجدع مني في حاجة.. أنا بتبرع 5 قمصان بيض جداد وجزمتين جداد لأي عريس غير مقتدر، والحاجه كلها جديده هشتريهاله مخصوص'.
