عبر حسام حبيب عن استيائه من تعرضه وأسرته للسباب والهجوم العنيف بسبب أزمة موضوع شيرين عبد الوهاب، مردفًا: بتجيلنا مكالمات على موبايلاتنا الخاصة، وإحنا بعيد تماما عن الجو ده. وأضاف خلال مداخلة هاتفية مع الإعلامي عمرو أديب، ببرنامج الحكاية المذاع عبر فضائية mbc مصر: أنا عمري ما شوفت شيرين وحشة وعلاقتنا كانت كويسة، بس اللي حواليها هما اللي دمروا حياتها". وأوضح، علاقتي كانت حلوة مع بناتها لحد ما أهلها شوهوا صورتي قدامهم، والحقيقة أنا عمري ما ضربت واحده ست ودي مش أخلاقي، وموضوع المسدس كله كذب ولا هددها بالمسدس وكله شائعات. وتابع: أنا مفيش في يدي حاجه غير إن أدعلها، وكل الناس اللي بتشتمني أنا عاذرهم لأن شيرين في يوم من الأيام عني كلام وحش، وده كان بسبب إن العلاقة ولا هي عارفة تطلع منها أو ترجعلها، ولما قولتلها صعب نرجع عيطت. ورد حسام حبيب، على اتهامات بعض الأشخاص بأنه السبب في تعاطيها المواد المخدرة. وقال حبيب: أنا أهلي يمتلكوا أكبر المستشفيات في مصر، هل لو أنا مدمن أو متعاطي المخدرات، كانوا هيسبوني، هل أنا اللي هخليها تتعاطي وسبب طلاقنا من الأساس إن أنا كنت عايزها تبطل مخدرات، وأنا كنت عايزها تبطل وده كان سبب خلافنا، أزاي أنا عايز أدمرها وأنا عايز أحافظ عليها. وتابع: أنا اتقالي من شخص أنا معاي توكيل رسمي منها وهحجر عليها، أكيد هو اللي من مصلحته يدمرها، وأنا تواصلت مع شيرين علشان تأمن بناتها ومحدش يقدر يأذيها. وجه حسام حبيب رسالة لأهل حسام حبيب، ليه مأخدتوهاش تتعالج قبل البيان؟ ليه افتكرتوا ده بعد بيان الصلح؟، لافتًا أن الصلح الأخير كان مبني على صداقة فقط، وهل يعقل أن شيرين توصل إلى المرحلة الثالثة من الإدمان بسبب حسام حبيب خلال الفترة القصيرة دي وهي أسبوع، من وقت الصلح الأخير، لافتًا: عمري ما كنت عنيف ما واحده ست، ومقدرش أهاجم ست عاشرتها ولو ليلة واحدة.
