قال رأفت سعد شقيق ضحية الرحاب، الذي قتل هو وأسرته في ظروف غامضة، :"هل ممكن إنسان يضرب نفسه طلقة واتنين وتلاتة علي ما يموت ويروح على السرير كمان". وتابع شقيق الأب، في مداخلته الهاتفية مع الإعلامي أحمد موسى، ببرنامج "على مسئوليتي" على قناة "صدى البلد" :"الأمر به جريمة بلا شك دي جريمة قتل، عماد أخويا لا يمكن أن يأذي نملة، عماد محب للحياة حريص على الناس، إنما يقتل نفسه ويقتل ولاده!". واستطرد رأفت :"أخويا معلهوش ديون، ولو عليه مليون ونص شوية حاجات على حوائط الفيلا قادرة على سداد ديونه لو كان هناك ديون". وأكد رأفت :"اللى عمل القصة دي محترف جدا، لأن كل الرصاصات اللى اضربوا بيها واحد فني، مش واحد أول مرة يطلق رصاص، أنا مشفتش أخويا معاه مسدس ولا سلاح، لكن هو كان بيحب يقتني حاجات كتير." وقال شقيق رب الأسرة الضحية، :"آخر مره كلمني كان يوم 26، كان منزعج جدا وكانت طريقته في الكلام مقلقة لأنه كان محتاج فلوس، وطلب مني نبيع حاجة، وأخويا قالي إنه في أوراق قضية اتسرق من المحكمة، وقلتله لو الورق اتسرق يبقا مش أي حد يقدر يعمل كده، لكن هو مقليش القضية إيه، بس اللى انا اعرفه إنه كان مقدم ورق يثبت حقه واختفى".