قال النجم محمد هنيدى، أول ما حصلت النقلة بتاعة السوشيال ميديا، كان لازم أعيش النقلة دى لأن من زمان كان نفسى يكون في تواصل بينى وبين الناس، وده حصل فعلا معايا وبقيت أقولهم حاجات وأحيانا نهزر ونحاول نرسم أي بسمة على وجوه الناس، ومعظم أصحابى بيتفاعلوا معايا زى السقا وأحمد فهمى وكمان محمد صلاح. وجاوب هنيدى خلال لقائه في برنامج "كلمة أخيرة" تقديم الإعلامية لميس الحديدى، المذاع على قناة ON، على بعض الأسئلة الخفيفة، حيث كشف أنه ليس لديه فوبيا من الحيوانات ولكن لديه فوبيا بسيطة من الأماكن المرتفعة، كما كشف أنه لو لم يكن ممثلا كان يحب أن يكون ضابط شرطة ولكن عنصر الطول وقف في الموضوع. وعن أكثر شخص يضحكه قال، في الزمن الجميل الفنان الراحل نجيب الريحانى من خلال ال5 أفلام بتوعه، وفى كمان عظماء كتير مش عاوز أنسى حد، ولكن منهم فؤاد المهندس وعبد المنعم مدبولى وأمين الهنيدى، مرورا بالأستاذ عادل إمام وسعيد صالح وسيد زيان ومحمد نجم، إحنا عندنا كتير أوى أوى". وأضاف، أنا بنصح كل مؤلف شاب عاوز يكتب فيلم كوميدى لازم يشوف الخمس أفلام بتوع الفنان الراحل نجيب الريحانى، وأنا علطول بتفرج عليه في البيت وبتفرج على أفلام أبيض وأسود كتير ومزهق العيال في البيت. يذكر أن برنامج "كلمة أخيرة" تقديم الاعلامية لميس الحديدي ويذاع من السبت إلى الثلاثاء في تمام التاسعة على شاشة "ON". هنيدى لميس الحديدي محمد هنيدى حلقة هنيدى برنامج كلمة اخيرة الموضوعات المتعلقة هنيدى: نجيب الريحانى أكتر شخص بيضحكنى.. وهذه نصيحتى لكتاب الكوميدى الثلاثاء، 06 أكتوبر 2020 12:31 ص هنيدى: "ولادى بيقلدونى على التيك توك بس مش بينزلوها لكن دمهم خفيف" الثلاثاء، 06 أكتوبر 2020 12:08 ص هنيدى: "عملت دوبلاج 80 حلقة فى ديزنى عشان كنت عايز أجيب عربية بتكييف" الإثنين، 05 أكتوبر 2020 11:58 م هنيدى: أنا بحب الزمالك واللى بيشجعه هينبسط وأحترم اللى يشجع الأهلى الإثنين، 05 أكتوبر 2020 11:49 م
