قال النجم محمد هنيدى، إن طريق كفاحه في التمثيل بدأ من خلال مشهد مع فؤاد المهندس، وكان عبارة عن مشهد واقف فيه وفرعون هيعدى من قدامى فأقول له: "عاش الفرعون العظيم بس، وده لأنى كنت بوافق على أي مشهد بس المهم يكون قدام مين ومين المخرج زى أستاذ يوسف شاهين أو عاطف الطيب لأنه هايكون أفضل من بطولة فيلم لا يترك أثرًا. وأضاف خلال لقائه في برنامج "كلمة أخير" للإعلامية لميس الحديدى، المذاع على قناةON: "وأنا صغير كنت بلعب كرة قدم وكنت فاكر إنى هاكون لاعب كرة جامد وروحت مدرسة في الزمالك وكنت بلعب خط وسط". وتابع هنيدى خلال حديثه: "أنا زملكاوى من زمان من قبل ما أتجوز ولكن زوجتى أهلاوية، وأنا بالنسبة ليا اللى عاوز يشجع الزمالك هينبسط، وأنا بحترم اللى يشجع الأهلى، ولكن بجد أنا بحب الكرة جدًا، وبحب نادى الزمالك ولكن مش متعصب واللى بيلعب صح بسقف له". وكشف النجم محمد هنيدي عن أن المخرج العالمى الراحل يوسف شاهين هو من أول من تنبأ بمستقبله الفني قائلاً: "أول حد قلي أني هبقى فنان كويس هو المخرج الراحل يوسف شاهين.. في فيلم "إسكندرية كمان وكمان"، حيث شاهدنا في مسرح الجامعة برفقة الفنان عمرو عبد الجليل الذي كان طالبًا في معهد الفنون المسرحية لكنه كان يشارك في مسرح كلية الحقوق بالإضافة ل خالد الصاوي وخالد صالح. وأضاف هنيدى: "شافني يوسف شاهين واختارني ضمن أشخاص وشاركت في فيلم "إسكندرية كمان وكمان" بمشهدين. واستذكر هنيدي ذكرى عزومة عشاء دعاه إليها المخرج الراحل يوسف شاهين أثناء تصوير فيلم "إسكندرية كمان وكمان" قائلاً: "في يوم من أيام التصوير قال لفريق العمل ماتروحوش أنا عازمكم على العشاء، وقلي قدام كبار النجوم ومنهم يسرا.. ولد أنت كمان معزوم وكنت فرحان، وجلست أمامه على المائدة وإحنا بناكل سألته؟ يا أستاذ أكمل ولا؟ فرد قلى أنت هتبقى فنان كويس سينما ومسرح وكل حاجة بس ماتبقاش "بياع لبن" فسألته يعني إيه؟، فرد عليا وقال "مش كل أستوديو تروحه وخلاص ما ترطرطرش فى الأعمال من أجل الظهور فقط". وأكد هنيدى، أن مأدبة العشاء كانت بداية صداقة قوية بينه وبين المخرج الراحل حتى رحيله عن الدنيا . وكشف هنيدي عن الأجر الذي تقاضاه نظير قيامه بتاديه دوره في فيلم "إسكندرية كمان وكمان" قائلاً: "أخدت 400 جنيه وكانوا ساعتها رقم مقارنة بعقد قمت بتقاضي نظير دوري فيه خمسين جنيه مع الفنان الكبير عزت العلايلي كان اسمه "الحريق" قمت فيه بدور الحاوي وكنت وقتها طالبًا في المعهد". يذكر أن برنامج "كلمة أخيرة" تقديم الإعلامية لميس الحديدي ويذاع من السبت إلى الثلاثاء في تمام التاسعة على شاشة " ON". هنيدى لميس الحديدي محمد هنيدى حلقة هنيدى برنامج كلمة اخيرة الموضوعات المتعلقة هنيدى ل لميس الحديدى يوسف شاهين قالى "ماتبقاش بياع لبن" الإثنين، 05 أكتوبر 2020 11:43 م هنيدى ل لميس الحديدى: كنت باكل ترمس على النيل وكنا هنغرق فى"يانا يا خالتى" الإثنين، 05 أكتوبر 2020 11:32 م هنيدي بعد فوز توتنهام على مان يونايتد 6-1 ساخرا: الرقم ده مابيفكرنيش بحاجة الأحد، 04 أكتوبر 2020 09:44 م محمد هنيدى ضيف لميس الحديدى فى "كلمة أخيرة" الاثنين المقبل.. فيديو وصور السبت، 03 أكتوبر 2020 10:45 م
