علق الإعلامي عمرو أديب، على تصريح الرئيس التركي، رجب طيب أردوغان بأن تدخل مصر في لييبا غير شرعي، وقال: "أردوغان بيقول أن تدخل مصر في ليبيا مش شرعي، دي ممكن نسمع فيها أصوات كتير بقى، على فكرة إحنا في فترات كتيرة في التاريخ كنا بلد واحدة إحنا وليبيا، والرسايل الكتير اللي بعث بيها الرئيس السيسي امبارح خلت أردوغان يتحدث اليوم، ولازم نعرف الأول هنحارب مين وكلام الريس امبارح كان مزعج لأردوغان وخلاه تايه". وأضاف الإعلامي عمرو أديب، خلال برنامج "الحكاية" الذي يذاع على قناة mbc مصر: "في دول أنظمتها قائمة على الحرب، زي نظام أردوغان كده، حوليه فلوس كتير وثروات طمعان فيها في ليبيا، وفي مساندة أمريكية لتركيا، شجعت الراجل أن يلطش هنا وهنا في سوريا والعراق وليبيا، هو بالنسبة له الحرب مهمة ودي نظريات طبقتها دول استعمارية زمان، وبيحارب في جبهات كتير، إحنا بنتكلم على إسرائيل جديدة في المنطقة، وبالمناسبة إسرائيل معندهاش أي مشكلة معاه". وأضاف عمرو أديب: "في دولة زينا بتتعامل مع الحرب على أنها وسيلة، وسيلة أمن ووسيلة ردع وحفاظ على أمن قومي، جيش له عقيدة واضحة بيدافع عن الحدود، والناس اللي بتسأل مصر هتحارب، دي مسألة ليست سهلة الموضوع لازم يتعرض على مجلس النواب، وفيه طرق دستورية وقانونية بتنظم القصة دي، وهو في كل الأحوال قرار صعب اتخاذه". وقال: "الحروب كل الجهات المشاركة فيها بيخسر، بس القصة مين هيخسر أكتر، وفي النهاية كل الأطراف بتكون خاسرة، وجميل أن الناس تكون فرحانة وفخورة بقوتها العسكرية الكبير وتصنيف جيش مصر دوليا، وفي دول كتير في المنطقة واخدة موقف عدائي مع تركيا بس مبتحاربش، علشان كده العالم كله مستني يشوف مصر هتعمل إيه". ليبيا تركيا اسرائيل الجيش المصرى عمرو اديب الموضوعات المتعلقة الطفولة والأمومة يتدخل لإنقاذ 4 أطفال هربوا من سوء معاملة أبيهم بمحافظة المنيا الجمعة، 17 يوليه 2020 10:31 م واتس آب يقاضى شركة تجسس إسرائيلية "للمرة الثانية".. اعرف التفاصيل الجمعة، 17 يوليه 2020 10:30 م كلنا الجيش المصرى.. "محمد" يشارك بصورته بالزى العسكرى أثناء فترة التجنيد الجمعة، 17 يوليه 2020 10:30 م مؤسسة النفط الليبية تطالب بقوة أمنية مستقلة لحماية حقولها الجمعة، 17 يوليه 2020 10:29 م مفتى الجمهورية عن تحويل "آيا صوفيا" إلى مسجد: لا يجوز الجمعة، 17 يوليه 2020 10:28 م