يا جدو ألف رحمة ونور عليك فى عيد العبور كان نفسى أجيلك فى قبرك وأحط ورد وزهور بس قلت أكتب جواب أقولك فيه بجد من كل قلبى "ميرسى" ميرسى ليك انت وعمو سادات إنكم رجعتم سينا بالذات إزاى المكان دا كنتم هاتسيبوه؟؟ لو قابلت عمو سادات فى الجنة.. قوله ثانك يو أنا دايماً هناك أنا ومادو ونور بالمايو والبانتاكور ومقضينها رقص ومسخرة والبنات بترجع بليل متأخرة مامى بتقول انك لو عايش وسطينا وجيت شوفت اللى حاصل فى سينا حاتحس بمرارة وقهرة بس اوعدك لو جيت معايا فى سهرة أوريك الأرض اللى كانت صفرة عملنا إيه فيها وأوعدك نحافظ عليها وقوللى ساعتها لو كنت عايش كنت تبقى مبسوط؟ ولا كان احسنلك انك تموت.. قبل ماتشوف اللى حصل باى باى يا بطل!