أنا المصرى غضبت وصرخت وفكيت القيود أنا المصرى وبقولها بأعلى صوت أنا حر......... أيوه أنا حر خلاص يا مصرى كسرنا التابوت اللى عشنا فيه 30 سنة بين الخضوع وبين السكوت اللى وهمونا إن ده آخرنا إن ده آخر الحدود إن مفيش فايدة فى الكلام واللى هينطق أخره الموت قولنا نموت وإيه يعنى الموت مادمنا هموت شهدا طب ما نموت أنا خلاص اخترت الحرية والكل معايا الكل شهود هانت أهوه الفجر شقشق والحرية أيوه جايه هانت يا مصر الغمة رايحة فى ألف داهية مش قضية احلم معايا دى البداية وبإذنه آخرها نصرة قوية هات إيدك نبنى مصر نعمر خرابها نعلم شبابها يعنى إيه كلمة وطنية هات إيدك نلملم جراحها لملم معايا الجراح دى الجراح كترت عليا يا مصر ياللى ببجرى فى دمى يحميكى ربى يا غالية عليا