شهد حفل بلاك تيما الغنائى الذى أحياه الفريق مؤخرا بميدان التحرير توافدا كبيرا من الجمهور الذى تفاعل مع أغنيات الفريق التى تم إهداؤها لروح شهداء ثورة 25 يناير. شارك فى الحفل أعضاء الفريق أمير صلاح الدين وأحمد بحر ومحمد عبده فى غناء بعض الأغنيات التى كانت تعبر عن فرحة النصر، كما قدم الفريق مجموعة من أغنياته الشهيرة، وردد جمهور الحفل كلمات أغنية "زحمة"، والتى تعبر عن حال كل مواطن فى مصر وتقول: اسألينى يا حبيبتى ع اللى داير فى البلاد اللى فيها صادروا حلمى وباعوا صوتى فى المزاد اسألينى عن ولاد شفتهم بعنيا دول جربوا كل الحلول وبيفشلوا بالاجتهاد احكى ليكى ألف قصة من حكاوى التعبانين اللى عايش نص ميت واللى ميت من سنين اللى نص كلامه كحة واللى شاف خمارة راحها واللى اكل العيش دبحها دايرة دور ع السكرانين زحمة زحمة زحمة زحمة اللى نامية وفيها ثروة م الفلوس تعمل جبال واسألينى عن كبارى نايمة تحتيها العيال اسألينى ع الغلابة واسألينى ع التقال اسألينى ع الديابة واسألينى ع الفساد اسألينى اشمعنى صابر ع المآسى الملهية أقولك انى كنت واحد م الغلابة الأغبيا اللى صبروا ف انتظار المعجزات والأنبيا واللى فاق من وهمه فجأة لاقى كفر قوم عاد لسة برضه قلبه طاير.. كعب داير فى البلاد زحمة زحمة زحمة زحمة