آن الآوان يا وطن ورد الأمل يطرح ويهل تانى الربيع واللى زعل يفرح وتعيش فى حرية بإرادة مصرية وبقالنا بين الأمم الموعودين مطرح ...... عزم الشباب يا وطن هو اللى خد إيدك وحررك م الفساد وهل يوم عيد وبعد طول انتظار ومذلة ليل ونهار غنى الشباب يا وطن أحلى أناشيدك ...... بدأ الأمل يا وطن يهل ع الوادى وقال الشباب يا وطن أموت فدى بلادى وانزاحت الغُمة بالعزم والهمة وضمنت شجر الأمل يطرح لأولادى ...... يا رب لأجل النبى إيدك على إيدينا نهد صرح الفساد اللى بطش بينا ونشوف جمال بكره مع مصرنا الحرة ونقول فى حب الوطن أحلى أغانينا .....