أسامى الناس كتير وكل اسم منهم ف بلدنا دى له مصير مصيرك انت تغرق ف بحر هموم يذلك وتلقى الخوف ف ضلك وهواك جواك أسير مصيرك انت تحزن وتنسى الشوق وتسكن ف سجن بسور كبير مصير البنت ديا اللى بتسكن عنيا تشوفى بموت ف ثانيه على إيد سفاح كبير مصير الورد يدبل وشمس الفرحة ترحل وأملنا يقع ف بير مصير الطير يغادر عن الحضن اللى غادر بعد ماكان كبير مصير أشياء كتيره ف بلدنا هتبقى سيره وف انتظار مصير مصير الغصن يدبل ولون النيل يعكر ولا يدى أى خير مصير طفلى البرىء يتوه وسط الطريق ويعيش ف الكون غريب الكل مصيره واحد مادام للظلم ساجد وكمان بيقول آمين ياريتنا نقولها لا بقلوبنا بنية صادقة وكفايه بلاش شخير يا شعب النيل يا وارث خليك ع الأرض حارس لسه الأحلام كتير أصرخ بالصوت وقاوم دا الحق أكيد مداوم بس انت انوى بضمير