*كلام قبيح حتقدر تفرق دى نفس المواجع ونفس الجروح وهى الأمانى ونفس الأغانى ونفس اللسان اللى عاجز يبوح وهوده نفسه بتشهق زفيره تطلع هواه وآهتك تصمه ومدة دراعك تحاوطه تضمه... ولما تهزر بتضحك سماه بدايته بدايتك فى لحظة ولاده وبالعمر واحد وبالرب واحد.. تعيشوا بحكمة وتصبح عباده وتتحشروا جوه هوامش حياة يجرجر همومه عشان يقضى يومه.. مصيره مصيرك هياخدك معاه وإذا غل صابكم يفرقع بشرح فى حتة لسه سليمة فقلوبكم ويخطف سواده بواقى الحياة وبتسيل د ماكو.. تغرق تشرق تراب الطريق ومين اللى يقدر ساعتها يميز دماك من دماه وحرمة نفوسكم بترسم ضريح وأمك وأمه وبنتك وأخته وكلمة ضنايا تبان إن هى أساس الديانة وكل الكلام اللى غيرها قبيح تتوه الحكاية وننسى البداية وتبقى الشهادة فى أشلاء دبيح حتعرف تفرق.. حتقدر تفرق إذا اسمه محمد ولا إن كان اسمه عبد المسيح *نيشان مذلَّة الاختيار بُرعم خضارُه شق بطن الصخر باصِص للسما بسلاح إرادته قام يواجه دبابات و بعُمر لسه بيبتدى يحرِج بواقى العمر فينا اللِّى قاربت ع الموات داس فوق كرامته يعلى ويشِب فوقيها ع الرصيف فى البرد والحر سواء يعمل من الأحلام غطا من أمله فى بُكره رغيف شباب سماه صافيه معدَّاش فيها يوم عفريت وغول تقدر تقول شنبات بكاب غارقة فى سواد و بنت واحدة واقفة تتحدى الحِصار عينها فى عينيهم.. تِستجدى لحظة الانحياز لأصعب قرار تتمد فيها إيدين خسيسة بتقلب الأحلام سراب عصفورة يهتِكها غُراب تحمَل بَكارة تحيا بيها العمر كله ياخدوا بجدارة نيشان مذلَّة الاختيار وبصوت مَرار يعلى هتافها يتيم محشرَّج كالبُكا الشمس طلعت م النهارده مفيش أُفول مانشيت يقول فوضى تعُم خطر على أمن البلاد وده يقول معقولة سُلطة يهزها شوية وِلاد؟!!! وأنا أقول.. وأنت تقول يمِكن تشوف تُظبط لو الكلمة دى مُمكن تتحذف وأشوفها أنا لازم تُضاف لكن الأكيد ومفيش خِلاف إن الشعوب يا إما تختار الهوان والذُل قُوت يا إما تفهم إنها وباختيارها علشان تعيش.. لازم تموت
