نفسى أنا أعرف فيه إيه بينى وبينك خلاك نفسك ما تشوفنى بعينك إن كان دينك الله يعينك فين عقلك.. فين مخك.. فينك ويمكن دينى مش دينك؟ خلانى بكلامى أهينك سيبك من دينى ومن دينك ليه نتصارع..؟ ليه شر يكون بينى وبينك دا إللى يهينّى فى يوم دا يهينك ...... أنا مقصدتش أهاجم ديني ولا بكلامى أهين أنا فى دينك لكن قصدى بكل أمانة تبقى محبة ما بينى وبينك ..... ليه اتغيرنا؟! ليه الكره دا بيكدرنا؟! ليه نخرب بعد ماعمّرنا؟! ليه الحزن ملازم دارنا؟! ليه تكرهني؟!!! ليه تكرهنى وانا أكره جارنا؟!!! ...... نفسى نفسى يكون الحب قرارنا ويا النور نور الفكر ده هايحررنا مش أشوف كره! أو ضلمة تيجى تعكرنا يلا نحب بعضينا يلا نسيب عارنا وبايدنا يلا ناخد طارنا من جهلنا إللى مأخرنا