قال محمد السبكى منتج فيلم "حلاوة روح"، إنه فخور بعمله السينمائى، مطالبا من هاجموا الفيلم "يشوفوه وبعدين يحكموا هل يخدش الحياء العام أم لا؟" مضيفًا "أنا لم يصلنى أى جواب أو قرار بخصوص ما أصدره المهندس إبراهيم محلب، رئيس الوزراء بوقف الفيلم". وتابع "السبكى" فى تصريحات تليفزيونية، "الفيلم مستمر وشغال فى كل حتة فى الدنيا، عدا قطر، ومحدش كلمنى وأنا سمعت قرار رئيس الوزراء زى زيكم". وواصل "السبكى" حديثه قائلا: "الناس الكذابة طلعت شائعات بخصوص وقف الفيلم فى الإمارات وده محصلش لإنه اتعرض النهاردة هناك، والبلد الوحيدة التى لم يعرض فيها قطر". وتعليقا على من يهاجمون فيلم "حلاوة روح"، قال "السبكى": "دى ناس لا تتقى ربنا، لأنها لم تر الفيلم، والواد الصغير دوره كويس، أنا فخور بالفيل ده، وشوفوا الفيلم بعينكم وبعدين احكموا عليه". وأوضح أن "حلاوة روح" لا يخدش الحياء العام، والولد الصغير مش بيعمل حاجة وحشة، لكن الناس بتحاول تطبل وخلاص. موضوعات متعلقة.. جدل بالوسط السياسى لوقف عرض فيلم "حلاوة روح".. النور: قرار جيد ويصب فى صالح الوطن.. وتمرد: لدينا أزمة فى صناعة السينما المصرية.. والمصريين الأحرار يرفض وقف العرض ويؤكد: الشعب هو الرقيب على الأفلام قرار الحكومة بوقف عرض "حلاوة روح" يثير جدلاً بين نشطاء مواقع التواصل الاجتماعى.. المؤيدون يدشنون هاشتاج "شكراً يا محلب".. ويؤكدون: البلد فيها رجالة.. والمعارضون: المنع ليس حلاً لأزمة الفن الهابط الرقابة تسحب جميع نسخ فيلم "حلاوة روح" من دور العرض