قال محمد السبكي، منتج فيلم «حلاوة روح»، إنه فخور بعمله السينمائي، مطالبًا من هاجموا الفيلم «يشوفوه وبعدين يحكموا هل هو يخدش الحياء العام أم لا؟». وأضاف «السبكي» في مداخلة هاتفية لبرنامج «باختصار» مع الدكتور معتز عبد الفتاح، على قناة «المحور»، مساء الأربعاء: «أنا لم يصلني أي جواب أو قرار بخصوص ما أصدره المهندس إبراهيم محلب، رئيس الوزراء بوقف الفيلم». وتابع: «الفيلم مستمر وشغال في كل حتة في الدنيا، عدا قطر، ومحدش كلمني وأنا سمعت قرار رئيس الوزراء زي زيكم» وواصل «السبكي» حديثه قائلا: «الناس الكذابة طلعت شائعات بخصوص وقف البرنامج في الإمارات وده محصلش لأنه اتعرض النهاردة هناك، والبلد الوحيدة التي لم يعرض فيها قطر». وتعليقا على من يهاجمون فيلم «حلاوة روح»، قال «السبكي»: «دي ناس لا تتقي ربنا لأنها لم ترى الفيلم، والواد الصغير دوره كويس، أنا فخور بالفيلم ده، وشوفوا الفيلم بعينكم وبعدين احكموا عليه». وأوضح أن «حلاوة روح لا يخدش الحياء العام، والولد الصغير مش بيعمل حاجة وحشة، لكن الناس بتحاول تطبل وخلاص».