السَعادى شكلها ساعة إجابة السما صافية مفهاش سحابة قالوا دعوتك هتكون مستجابة دعيت يا رب كام مليون تجيني واعيش شوية اللى باقى من سنيني وكام بدلة على كام بنتاكور والحريم حوليا علشان الديكور اللى بيضة واللى سمرة واللى لابسة البكيني اوعى تزعل منى مانا حاكم غشيم حتى لما ادعى فِدٌعايا باكون بهيم بس اعمل ايه دى فرصة و الفرصة مش بتيجى مرتين كنت عايز ليا رخصة أو إمارة فأى دين إنى أعيش حياتى أهلس واما أموت أكون من أهل اليمين مرة واحدة هب ريح واختفى فلحظة القمر فى شىء بيحصل مش مريح أيوة هوه المطر والدنيا قامت فثانية والسما فوقى اتبدلت منظر مخيف برق رعد وهدومى اتبهدلت يا لطيف الطف وبرحمتك عدلها ده هيا بدلة حلتى البسها واكويها واغسلها وإن كانت دعوتى السبب.. فيارب كنسلها فقرى من يومى والناس كلها عارفاني بس والنبى طيب واللى فقلبى دُغرى على لساني يعنى حتى لو هنافق مش هنافقك قالو ادعى قلت ادعى اصلى عارفك بتدى اللى نفسه فدنيا دنيا واللى نفسه فجنة جنة آه لو تدينى فرصة تانية هتشوف راح اطلب منك أيه مرة حج ومرة عُمرة وبردو كام مليون جنيه وتجيبها بيضة تجبها سمرة اللى يطلع بختى فيه مش بردو هى دى القناعة دنيا ساعة وآخرة ساعة ولا يعنى الغلابة ملهُمش دنيا طب هيا ساعة استجابة ولا هيه ثانية طب فاتت ولا جلت ولا راحت ولا ممكن ادعى تاني صوت نادانى رُكبى سابت حاجة جوه نفسى قالت اتنفضت فلحظة فُقت ادعى يابنى بالهداية فِكُل ساعة وأى وقت قلت تُبت يا رب تبُت أدان الفجر إدن معرفش ليه فجأه تِقلِت قُلت اريح رُبع ساعة بعد العصر لقيتنى قمُت اصل الطبع شكلهُ غالب ديل الكلب ميتعدلش ولو تركب فيه قوالب عدى جنبى شيخ ضرير قالى يبنى قوم متيأس لو ذنوبك ياما وكتير رحمة ربك مش هتخلص لو يوماتى تتوب وتغلط توب واغلط بس اوعى فلحظة تيأس مالاجابة قوم وصلى شكلها كدة ساعة استجابة