لما تبقى الدنيا ساقعه وانت ساكن فوق سطوح ولا صيف والجو ولعه وانت ف البدروم تنوح واما تبقى اللقمه حسره مش حاتعرف فين تروح واما تبقى الكلمه حره وانت مش قادر تبوح لما يبقى الجرح غاير وانت مملى بالجروح واما تبقى العيشه مره والبدن مليان قروح لما تنسى ف مره نفسك أو تفكر ف الطموح مستحيل تقدر تخطى حاجه غايه ف الوضوح وان عافرت وقلت حقى تنضرب من غير شروح وان فضلت تعافر اكتر كل شئ منك يروح يا بنى أحسن لك بلاها عيشه واحسن لك تروح عيش لوحدك عيش لفكرك بس مش لازم تبوح موت ف كوخ أوموت ف عشه مالها أوضه ف السطوح والحقيقه ف يوم حاتظهر لما ريحتك راح تفوح