عذبينى بلقمة حاف عودينى حتى من ضلى أخاف أى تهمة تفصليها امضى عنى اعتراف علقى راسى على واجهة زويلة اعملى مولد مماتى فى السنة كام ألف ليلة وانه فى الليلة الكبيرة كل أخصامى تجيلة ادبحينى بس حقى ترحمينى سنى سكينك تعالى من وراى اوعى سكينك يدندن لحن نازف من دماى انسى كنت فيوم ضناكى وانى حنيت لضناى وانى مدبوح بالغلا جوفى متعبى بلا وانتى عارفاه اتملا وانتى عارفه إنى شايب مش صبى وانى مسميش اسماعين وانى واحد مش نبى كونى يللا انشا الله مين ابقى حاجة أى حاجة إلا حوا والحريم كونى عاقل زى سيدنا ابراهيم ادبحينى وارحمينى ارحمينى وادبحينى