شريف مدكور، قال الإعلامي شريف مدكور: "مكنش عندي صراع مع نفسي ولكن مع جزء من المجتمع وعانيت من التنمر لدرجة إن أحد أسباب إصابتي بالسرطان هو التنمر". معاناة شريف مدكور من التنمر وأضاف خلال لقائه ببرنامج "ع المسرح" المذاع على قناة "الحياة": "كنت ممكن أبقى خارج مع والدي ووالدتي وأخليهم يسبقوني على المكان علشان ميسمعوش الشتيمة أو كلام يضايقهم". خوف شريف مدكور من فكرة إنجاب الأطفال ولفت: "مش عايز أخلف علشان ولادي ميتعرضوش في يوم للتنمر ويتقال لهم أبوكم كذا ويتشتموا ويتعرضوا للتنمر، أنا في صراع مع المجتمع يا أنا يا أنتم، هنحترم بعض يعني هنحترم بعض وكل واحد حر في ذاته ونفسه، وفيه رجالة وستات بيبعتولي ويقولوا إحنا آسفين كنا فاهمينك غلط وده انتصار بالنسبة لي".
صراعات شريف مدكور وأشار: "تعرضت لبعض الصراعات بسبب توجهاتي السياسية والدينية المعلنة وأنا مش من نوعية الناس اللي بتخاف وتقول لا أنا كده هفقد جمهوري، أفقد جمهوري بس مخسرش نفسي، وفيه حاجات دينية مبتعجبش الناس واتهاجمت بسببها وبعض التنمر اللي حصل ليا بسبب إني بقول وجهة نظري وأنا مش هنافق وهقول براحتي". شريف مدكور يكشف أسباب عدم زواجه حتى الآن وسر رفضه الإنجاب (فيديو) طفلة تسأل: هو ليه ربنا خلانا نلبس الحجاب في الصلاة؟ علي جمعة يرد بمفاجأة قواعد ظهور المحجبات وعن وضعه قواعد لظهور المحجبات في برنامجه، أوضح شريف مدكور: "أنا ضد العباية السودا، واللي عايزة تلبسها هي حرة، أنا أغير على ستات بلدي وعلى صورة السيدة المسلمة، مرة لقيت واحدة مصممة وجاية لابسة بنطالون استريتش وحاطة رموش 3 طبقات وحجاب أنا شايف إن ده منظر لا يليق هو حريتها بس دي تسيء لصورة المرأة المصرية المسلمة وأنا مش هطلعها على الشاشة". وأكد: "سياسة برنامجي إني مش هطلع حاجة أنا شايف إنها هتضر سمعة ديني وسمعة بلدي، علشان ميجيش واحد أجنبي يقولي هما ليه الستات في مصر بيلبسوا استرتش". ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.
