الهام شاهين، كشفت الفنانة إلهام شاهين عن سر رشاقتها الملحوظة، موضحة: "أخدت حقن تخسس بتاعت السكر وأنا طولت فيها وده مش صح علشان محدش يقلدني، وكل الأدوية وأقراص سد النفس". أدوية تخسيس وأضافت خلال لقائها ببرنامج "الراديو بيضحك" المذاع على الراديو 9090: "كل لما أسافر بلد وألاقي دواء مكتوب عليه للتخسيس أجيبه، وأخدت أدوية كتير وتعبتني، وكنت باروح لدكتور بيعمل أجهزة على الجسم لشد الجسم وعلشان الجسم ميقعش من التخسيس".
مشكلة إلهام شاهين مع خسارة الوزن وتابعت الفنانة إلهام شاهين: "أخدت حقن وأقراص وأجهزة ليزر للتخسيس، وكمان الأدوية سدت نفسي ومكنتش باكل خالص، والحقيقة إن الإرادة أحسن حاجة وأنا بخس وأتخن ومش قادرة أثبت لإني معنديش نظام ثابت في الحياة بس الطريقة الصحية المظبوطة لعب الرياضة وأكل بحساب وبنظام بس اللي أنا عملته مش طريقة صحيحة".
إلهام شاهين ل فيتو: الليالي المصرية السعودية خطوة في صالح الفن العربي نادينا بها منذ زمن إلهام شاهين عن 2023: الشغل قل وإحنا مش في أجمل أوقاتنا الفنية (فيديو)
في وقت سابق، قالت الفنانة الهام شاهين: "حرب غزة أكتر حدث أثر فيا في 2023، موت الأطفال والهدم والخراب أمر مؤلم نشهده الآن في غزة، وشاهدنا هذه المشاهد في سوريا وليبيا واليمن، وحاليا في السودان وقبلهم في العراق".
ظروف المنطقة العربية
وأضافت خلال مداخلة هاتفية ببرنامج "حضرة المواطن" الذي يقدمه الكاتب الصحفي سيد علي بقناة "الحدث اليوم": "كل المنطقة العربية تمر بظروف صعبة، والحياة أصبحت مش هادئة ومفيهاش سلام منذ سنين، وهذا يؤثر نفسيا عندنا كلنا ومناظر الدمار والحروب بتجيبلنا اكتئاب". إثارة الجدل
وتابعت إلهام شاهين: "مفيش أي حدث لمصر إلا لما أشارك بقوة علي الأقل برأيي، أي حاجة تخص بلدي وعروبتي أو الوسط الفني، بيكون ليا رد فعل قوي ممكن يثير الجدل لإني مببقاش دبلوماسية".
كارثة السوشيال ميديا
وواصلت: "أدافع بقوة عن أي حد يمس مصريتي وعروبتي والوسط الفني، والسوشيال ميديا جننت الناس والكل عايز يتكلم ويقول آراء، وأنا بشوفها إن مساوئها أكتر من مميزاتها".
تراجع دور الفن
وعن رأيها في 2023 فنيا، لفتت: "الشغل قل كتير وإحنا مش في أجمل أوقاتنا الفنية وإعداد الأعمال قلت والجودة محتاجة إننا نتعب عليها أكتر، وفيه مسارح مقفولة لازم تتفتح، ومحتاجين عدد سينمات اكتر في جميع محافظات وقرى مصر، محتاجين أشياء كتير".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية
