نجيب ساويرس، قال رجل الأعمال المهندس نجيب ساويرس: "لما بِعت شركة الاتصالات بتاعتي كذا حد قال لي ما تحط الفلوس في فيسبوك أو تويتر واشترى حصة، فقلت لهم الكلام ده أنا مش فاهم فيه، وأنا راجل بتاع اتصالات وأخاف أحط فلوسي في حاجة مش فاهمها". استثمارات نجيب ساويرس وأضاف خلال مداخلة هاتفية ببرنامج "حضرة المواطن" الذي يقدمه الكاتب الصحفي سيد علي بقناة "الحدث اليوم": "لو حطيت فلوسي في فيس بوك أو تويتر، كان زماني في حتة تانية خالص".
نجل نجيب ساويرس وتابع ساويرس: "لو ابني أو ابن أخويا كان مكاني وقت ما بِعت شركة الاتصالات كان أخذ قرار إنه يحط الفلوس ويستثمر في فيسبوك أو تويتر، لأنه أكيد هيبقى فاهم في المنطقة دي أكتر مننا".
الجيل الثالث من عائلة نجيب ساويرس ولفت: "الجيل الثالث في العائلة بتاعتنا متحفظ لكه مسلح بحاجات مكنتش عندنا وقتها وكلهم درسوا في أمريكا، وأصبحوا جيل الإنترنت والأبلكيشن والموبايل، وأنا لحد النهاردة بقرأ الجرنال الورقي، وبتعامل مع ابني وابن أخويا إن لازم أسمع رأيهم بمنطق أن فيه حاجات هما عارفينها وأنا مش عارفها وأنا عندي خبرة بحاول أنقلها لهم، والحمد لله ربنا وفقنا في الجيل التالت الأولاد كلهم طالعين كويسين ومش متدلعين ولا حد فيهم بيشرب، وبناتي كلهم بيشتغلوا وناجحين في شغلهم ومحدش بيشوفهم في حاجة غلط ولا متدلعين، والفضل في ده يعود لزوجتي اللي ربتهم أكتر مني". وأكمل: "ولادنا النهاردة عندهم السمعة اللي تركها لنا أبويا، فاهم مسئولية أنهم يحافظوا على اسم وسمعة العائلة ونفس الروح والحمد لله كلهم عندهم عطاء وإحساس بالمجتمع ومش غاويين الظهور بالإعلام".
نستثمر في الذهب ولّا العقارات؟ نجيب ساويرس يرد (فيديو) نجيب ساويرس: أي تأخير في تعويم الجنيه يكلفنا الكثير، والتاريخ شاهد (فيديو) ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الأدبية والفنية.
