محمد حسنين هيكل، قالت هدايت تيمور أرملة الكاتب الصحفي الراحل محمد حسنين هيكل: "أنا كنت بقوله أستاذ هيكل أيام الخطوبة، مرة قال ليه بتقولي أستاذ هيكل أنا اسمي محمد". بداية التعارف علي هيكل وأضافت خلال لقائها ببرنامج "معكم" الذي تقدمه الإعلامية منى الشاذلي بقناة "أون": "بعد ما كنت بتعلم الليسيه كله فرنساوي، سقطت في الثانوية العامة روحت وقتها لوالدتي وقلت لها أنا مش عايزة أكمل، وعايزة أعمل أو أشتغل أي حاجة، فقالتلي أي حاجة يعني ايه، فقلت لها هشوف، فروحت للهلال الأحمر وانبسطوا اوي اني تطوعت معاهم وقعدت في المشغل أعمل حاجات تتباع، وبعدين اتعرفت علي مدام استقلال راضي واخبرتني انها بتكون مدرسة للكفيفات البنات، ورحنا للأستاذ مصطفى أمين علشان يتبنى فكرة حملة تبرعات لإنشاء مدرسة الكفيفات ورحب بينا وقدملنا قهوة، وقالنا هنشوف الشخص المناسب للحملة دي، فعرفت أنه كلم أستاذ هيكل".
وأكملت: "حضر محمد حسنين هيكل لمكتب مصطفى أمين علشان يتبنى حملة مدرسة الكفيفات وكنت شوفته قبل كده مرة ومتكلمناش، لكن لما شوفته المرة دي بصيت لقيت ايدي اترعشت واعجبت به علطول وكان فيه احساس داخلي بانجذابي له، ولما إيدي اترعشت القهوة وقعت ومصطفى أمين وقتها قال خير فيه ايه".
قصة حب هيكل ولفتت:"محمد حسنين هيكل معرفش اذا كان خد باله اني ايدي اترعشت لما شوفته ولا لأ، وبعدين اتكلم معانا وطلب منا نروح مكتبه وفعلا روحناله مكتبه اللي في اخبار اليوم، وسألنا عن المشروع اللي في ذهننا فقلناله عايزين نعمل حاجة للبنات الكفيفات، فقال لنا شوفوا بقى اذا كنتم عايزين حملة مظبوطة لازم تعطوني تصور كامل بالهدف بتاعكم، فروحنا بعد يومي وبص ليا وسألني هدايت انتي السكرتيرة بتاعت، وقاللي امسكي ورقة وقلم واكتبي ورايا، أولا الرئيس جمال عبد الناصر تبرع ب5 جنيه وقتها بهرني وسكتني ومبقتش عارفة اقول ايه، ووراني خطاب من الرئيس عبد الناصر يحيي الأيدي الفاضلة اللي هتقوم بالمشروع، وقاللي فيه 5 آلاف جنيه جايلكم من مجلس الإنتاج وده كان رقم مالي كبير، و5 آلاف جنيه من الخدمات، و5 اَلاف جنيه من عبود باشا، وده هنبتدي به، ودبر المبالغ دي كلها في يوم ونصف". وتابعت:"أنا كنت في الوقت ده معجبة بهيكل وحسيت انه كمان معجب بيا، وكنا بنروح ونيجي علي اخبار اليوم وبعد كده والدتي قالت لي لأ ايه حكايتك؟ فقلت لها علشان هدف مهم ان احنا نعمله فقالت لي لأ، فقولتها الحكاية اني معجبة بهيكل وهو معجب بيا، من قبل ما يكون فيه مصارحة ما بيننا".
السيسي يستشهد بمقالة هيكل ضمن خطة الخداع الاستراتيجي: محدش يقدر يعملها إلا الجيش المصري زوجة هيكل تتحدث لأول مرة عن زوجها احتفالًا بمئويته في "معكم منى الشاذلي" مصحف محمد حسنين هيكل ولفتت: "مدام راضية عملت شاي عندها وحفلة وقالت لي لازم نكرم استاذ هيكل علشان وقف معانا في حملة الكفيفات، وقتها طلب في البلكونة وراح مادد ايده ف وطلع من جيبه الصغير مصحف صغير وهو موجود دلوقتي في متحفه بمكتبة الاسكندرية، قلت له استاذ هيكل أخذ المصحف ليه علشان ايه، فقال لي المصحف ده عزيز على لإنه كان في جيبي واحنا في حرب فلسطين وبعطيهلولك علشان انتي غالية وعزيزة على، وحكى لي وقتها قصة حياته، ورحت البيت أمي بقى معرفتش بحكاية المصحف، قلت لجدتي فقالت لي مبروك ده باين عليه رجل كويس وبيتقى ربنا، ولما امي زعقتلي علشان المرواح والمجي وبعدين لقيت نفسي بكدب عليها وعلشان كده قلت لها بصي يا ماما انا حاسة ان الراجل ده هو اللي يسعدني، ولو انتي مش عايزاه قوليلي وانا اقطع علاقتي به فورا لإني كان بيكلمني علطول في التليفون، فقالت لي لأ ربنا يبارك لك وبعدها اتخطبنا". ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.
