رمضان كريم البلد مش ناقص تضحيات شبع خطب واعتصام في كل المجالات عايزين نعيش ياجماعة بدينا فيه ثبات وإيد في إيد نبني مصر.. وكلنا إخوات الكرسي مش غاية نجري وراه ونتقاتل والدنيا مش راح تطير وبلاش تكون غافل شبعنا تطبيل ورقص ومخكم قافل الثورة مش بالهتاف.. والهيصة والخلافات أنا كلمتي واحدة.. الشعب هو الشعب وعمره ما يعيش في حالة فيها لعب ورعب إحنا حنمشى بثبات لآخر طريقنا الصعب ماتفكروش باعتراضكوا تخلقوا الأزمات نصيحة لله ياريت تفتكروا كلماتي أنا مصر هي الأمل في حياتي ومماتي وفرحتي.. ودمعتي.. ودعائي وصلاتي فبلاش بقي تخربوها عشان الكرسي والوزارات ياريت بقي تسمعوا مرة نصيحتي في يوم وتعقلوا.. حكم مصر وسام لكل القوم الاعتصام في الشوارع شيء مالهش لزوم واحنا في شهر الصيام واللطف والبركات آخرتها إيه ربنا يعلم مانش خايف حتمشوا أو تقعدوا والله مش عارف بس اسمعوا كلمتي لأني شايف الحكم مش بالخطب والرفض والهتافات