ضجت مواقع التواصل الإجتماعي"فيس بوك" الساعات الماضية بمنشورات فتاة يتيمة تدعي إسراء طارق مقيمة الزقازيق محافظة الشرقية التي توفي والدها منذ عام وغادرت والدتها الحياة في شهر رمضان الماضي وتركت إسراء وشقيقتها الصغيرة- طفلة ذات 6 سنوات- يعانيان في الحياة وحدهما. الصدمة الأولى جاءتهما من الأعمام عندما طلبوا منهما بيع المنزل الذي يأوي الفتاتين ليحصل الأعمام على ورثهم من شقيقهم المتوفى ونسوا أن الفتاتين ليس لهما مكان آخر تعيشان فيه غير هذا المنزل بل وصل الأمر للتعدى الجسدي عليها لإجبارهما على التوقيع علي بيع المنزل. انهيار أسرة فتاة الشرقية داخل المحكمة قبل بدء ثاني جلسات محاكمة القاتل التنازل عن الميراث فيما أعلنت الفتاة عبر صفحتها علي مواقع التواصل الاجتماعي" فيس بوك" عن قيام اعمامها بالتنازل عن نصيبهم في الميراث لصالحها هي وشقيقتها قائلة بالنص: "تم التنازل رسميًا عن حصتهم في بيت ابويا..أول يوم من 5 شهور هحط راسي ع المخده وانا قلبي وبالي مرتاح (الحق رجع لصاحبه)...بشكر رئيس الوزراء وبشكر استاذه داليا اللي كل شويه تقولي انا امك ومحدش هيقربلك وانا موجوده..قدام كل الناس لازم اقولك إن اللي عملتيه معايا هيفضل في قلبي وعمري كله ومهما اشكرك مش هوفيكي.. وجودكم بعد ربنا اللي انقذني انا واختي بشكركم من قلبي على وقفتكم معايا..وبشكر كل اخت واخ قلق عليا وسأل وتابع موضوعي...واعتبروني اختهم او بنتهم ...الليله عيد". وفي تدوينة أخرى قالت "إسراء طارق"عبر حسابها علي "فيس بوك": "قلبي مجبور وفرحان بطريقة ". مجلس الوزراء وكان مجلس الوزراء قد استجاب لاستغاثة الفتاة عقب نشرها علي مواقع التواصل الاجتماعي و اعطوا أوامر لكافة الجهات المعنية بالتواصل مع الفتاة وإيجاد حل لأزمتها مع اعمامها في أقرب وقت ممكن. وقالت"إسراء" إن حكايتها المحزنة والصادمة في آن واحد استقطبت عددا كبير من المصريين وأنها تتلقى ما يقرب من 30 ألف اتصال في اليوم - على حد قولها للتضامن معها وحل مشكلتها هي وشقيقتها الصغيرة خاصة أنهما يعيشان بالمنزل بمفردهما. حكاية إسراء طارق التي سردتها عبر مواقع التواصل الاجتماعي أصابت المصريين ونشطاء التواصل الاجتماعي بصفة خاصة بالصدمة والذهول من ترك الفتاتين يتخبطان في الحياة دون أن يجدوا نصيرلهما حيث تفاعل الآلاف من المصريين مع حالة البنت وشقيقتها. بدأت حكاية إسراء المحزنة عندما كتبت مأساتها عبر جروب "قانون الأسرة المصرية" بموقع التواصل الاجتماعي فيس بوك فقالت "أنا أبويا اتوفى من سنة، وماما توفيت في 26 رمضان اللي فات.. عندي أخت صغيرة 6 سنين، ومليش أخوة ولاد، ليا أعمام..عايزني أبيع البيت عشان ياخدوا ورثهم فيه". مأساة إسراء وشقيقتها وتابعت إسراء طارق حكايتها المحزنة والمؤثرة فقالت:"أنا مليش مكان ولا مأوى ليَّ أو لأختي غير بيتنا دا، ونصيبنا مستحيل يجيب لنا شقه وأنا مش عارفه أروح فين، فهل فيه قانون يوفر لي مسكن، لأننا بنات وما لناش مأوى غير بيتنا دا (أنا اتضربت كذا مرة من عمي الكبير عشان أمضي وخايفة أمضي أبقى في الشارع، وأهل ماما من ساعة ما توفيت ما سألوش عليَّ باتصال" وتابعت حكايتها قائلة: "انا مش معترضه على حقهم أنا عايزة نقعد في البيت لحد حتى ما أتجوز وآخد أختي معايا لكن أروح فين دلوقت وأنا معنديش دخل خالص للإيجار برا، لأن مفيش دخل لأكلنا وشربنا أصلًا وعايشة على السلف لحد ما أقبض معاش بابا وماما". وقالت إسراء طارق "ماديًّا حاليًّا مش هقدر أرفع قضيه لأني مش معايا اتعاب المحامي فعايزة أعرف فيه حاجه ممكن تخليهم يسبوني قاعده في البيت لفتره مؤقته لحد مثلا متجوز واخد اختي!! ولا ايه!! أرجو تفيدوني". تفاعلت المحامية الحقوقية وعضو المجلس القومي للمرأة نهاد أبو القمصان مع حالة إسراء طارق وكتبت عبر صفحتها بالفيس بوك "حكايات نهاد" قائلة: " نقل التركة كلها ماعدا جزء صغير يفضل لأصحاب التركة في حياتهم ونعمل عليه (الهبة المشروطة) بعد الوفاة- دا الحل القانوني للحفاظ على الميراث كله للبنات". وتابعت نهاد قائلة: "أولا: البنتين اللى عمهم عايز يستولى على ميراثهم حد يوصلنى بيهم.. كل اللى كتب البوست يبعت لى وسيلة اتصل بيها وربنا يقدرني واحميها هي وورثها، ثانيا: ( الهبة المشروطة ) الحل للحفاظ على الميراث كله للبنات: تكتبو كل شئ باسم البنات، نقل التركة كلها بيع وشراء وتخلو اللى يكيفيكو انتو فى حياة كريمة، وتعملو في الجزء اللى خلتوه باسمكو ايه؟ علشان ما يروحش لحد غير البنات تعملو (هبة مشروطة بالوفاة) يعنى بتوهبوها للبنات بشرط انتقال الملكية بعد الوفاة لكن طول ما انتوا عايشين تتحكمو فيها وفى عوائدها" وقالت "طيب لو التركة كلها يا دوب شقة او بيت زى البنتين دول يبقى الحل بردو (الهبة المشروطة بالوفاة) ينكتب البيت هبة للبنتين لكن تفضل تحت يد الأب أو الأم لحد الوفاة هل يمكن الرجوع فى الهبة؟ طبعا اى وقت مش قلنا بتفضل تحت تصرف صاحبها وتنقل الملكية بالوفاة". حلول قانونية وتابعت نهاد أبو القمصان "بطمنكو في حلول قانونية كثيرة ممكن نستخدمها للحفاظ على ميراث البنات بالنسبة للحالة دي تحديدا: 1- العم ملزم بالإنفاق على بنات اخوه وممكن يرفعوا قضية نفقة عليه (ما هو شرعا الميراث قدامة مسئولي) 2-البنت الصغيرة (4 سنين) يعني البيت كله تحت رقابة المجلس الحسبى ( لو العم مبلغش المجلس الحسبى دى جريمة).. 3 - الأعمام الثلاثة كلهم نصيبهم أول عن آخر حوالى السدس (15٪) ليه؟ لأن البنتين هيورثو الأول نصيب الأم اللى ورثته من الأب لأنها توفت بعده ودا 1/8 (الثمن) وهيورثوا نصيبهم 2/3 (الثلثين)" وقالت نهاد "يعنى 3 اعمام الغفلة دول نصيبهم حوالي السدس (1/6) كلهم كدا على بعضهم 15٪ من البيت- نائبهم على شونة اصلا بعد الفيلم دا) 4- تعرض البنات للضرب (جريمة ضرب ) عقوبتها الحبس" تفاعل 30 ألف مصري في الدقيقة وفور كتابة التدوينة تفاعل آلاف المصريين مع حالة إسراء وهنا كتبت إسراء تدوينة على حسابها بالفيس بوك قالت فيها "انا نزلت البوست في جروب (قانون الأسرة المصرية) ونمت وصحيت لقيت الدنيا اتقلبت وانا مكنتش عندي امل 1٪ أنه يحصل ربع ال حصل معايا وكان غرضي من البوست اني اشوف حل قانوني ومحامي يقف جمبي لحد ما اقدر ارجع حقي". وتابعت إسراء حكايتها فقالت: "النهارده الصبح لقيت اتصال من مكتب رئيس الوزراء وبتاخد بياناتي عشان تساعدني في مشكلتي مع اعمامي، والاستاذه نهاد أبو القمصان نزلت البوست عندها وبتدور عليا عشان تترفعلي وعايزه تتكفل بكل حاجه... وناس كتير اوي بيبعتولي يقولولي اتواصلي مع المحاميه بتدور عليكي واللي دخل يهون عليا ويقولي انا جمبك (شوفت فيكم حنية مش في اهلي ولولاكم مكنتش وصلت لربع ال انا فيه دا مذيعين من قنوات عايزين يتصوروا معايا ويصعدوا الموضوع و ناس معرفهاش عايزة تقف جنبي من غير سابق معرفه، انا مره واحده لقيت عوض ربنا بيجيلي بدون مقدمات وكنت فاكره حياتي كلها سوده، إلا أن عوض ربنا و طاقة النور ظهرت مع بداية صبح النهارده". وأضافت إسراء "كل الشكر ليكم ولكل الناس ال وقفت جمبي حتي بالكلام انا مدينه ليكم بكل الشكر، والناس اللي دخلتلي عايزه تساعدني ماديًا انا مش محتاجه فلوس و مطلبتش من حد فلوس انا كل اللي كنت محتاجه من البوست اللي نزلته، محامي يتولى قضيتي واتعابه هيخدها بعد ميرجعلي حقي لكن انا مش محتاجة مساعدات مدية من حد وشكرا جدا لكل اللي عرض (ربنا يجعل دعواتي ليكم كلكم من نصيبكم) بدون مبالغه انتو حيتوني انا واختي من جديد" وأضافت إسراء "جماعة موضوعي بنسبة 98٪ اتحل خالص وحقي جاي جاي بشكركم كلكم على وقفتكم جمبي وبطمنكم عليا انا بخير انا فكرت اقفل الاكونت يومين لحد ما الدنيا تهدا عشان يجيلي فوق ال30 ألف مسج في الدقيقة ومبقتش عارفه امسك الفون (فمتقلقوش انا بخيروربنا كبير وكريم وعوضه حلو اوي... وربنا بعتلي اللي هيخليهم معرفوش يتعرضولي عمرهم كله فانا هقفل الاكونت فتره لحد ما الدنيا تهدا طالما عرفت معالم مشكلتي هتتحل ازي وبشكر كل اخت وراجل جدع سأل عليا وهمه امري" يذكر انه بمجرد تواصل مجلس الوزراء مع الفتاة لايجاد حل لأزمتها مع اعمامها انتابتها حالة من الفرحة الشديدة حيث علقت قائلة:"الليلة عيد..وكان فضل الله عليا عظيما".
