قالت الفنانة حورية فرغلي: "كنت أتمنى أتجوز، ويكون عندي أطفال، ولكن مَرَّ العمر ومفيش حد طلبني للجواز خاصة بعد مشكلة مناخيري". مشكلة رحم حورية فرغلي وأضافت خلال لقائها ببرنامج "كلمة أخيرة" الذي تقدمه الإعلامية لميس الحديدي بقناة "أون إي": "الرحم عندي فيه مشكلة وميقدرش يشيل جنين، والدكتور قال لي مش هتقدري تخلفي بعد ال40 سنة، ونصحني باستئصال الرحم علشان بيعمل لي مشاكل".
تبني طفل ولفتت: "أنا مش متزوجة علشان أتبنى طفل، وأنا كنت متبنية طفل مبيسمعش، ولا بيشوف قبل التمثيل، وكان بيحبني وأنا بحبه ولكن للأسف توفي".
خادمة حورية فرغلي وأشارت حورية فرغلي: "الشغالة اللي كانت عندي حملت سفاحًا من لاعب بيلعب في السنغال، وأنجبت منه طفلًا تبنيته وسميته آدم، ومن كتر حب الطفل ليا غارت الخادمة وأخدته ورحلت".
مسلسل ساحرة الجنوب وأكدت: "إصابتني اللعبة بعد مسلسل "ساحرة الجنوب"، واتعمل لي "عمل" بالمرض وعدم الزواج والإنجاب وده اللي حصل فيَّا". حورية فرغلي: تتبقى لي عملية جراحية للعودة إلى طبيعتي.. وهذا طلبي من الناس دور غلس وسخيف.. لميس الحديدي تكشف سر نجاتها من الإصابة بكورونا وقالت الفنانة حورية فرغلي في نفس اللقاء: "لم أندم على أي عمل فني شاركت فيه، وخلال مشاهدتي لأعمالي القديمة أركِّز في النظر لأنفي قبل إجراء عملية جراحية فيها".
مشكلة الشم وتابعت: "بعد العملية حاسة الشم رجعت لي بعد 5 سنين، ومكنتش عارف أعيش، ومبعرفش أشم حاجة، وريحة البرفان مكنتش بشمها".
اكتئاب حورية فرغلي ولفت: "فقدت الثقة في نفسي السنوات الماضية، وكنت حاطَّة فويل على المرايات ودخلت في اكتئاب، وكل الناس بعدت عني في مرضي، واللي كانوا قاعدين معايا 10 سنين أصحابي وقرايبي بعدوا عني، وتليفوني مكنش بيرن فجات لي حالة من الاكتئاب".
التنمر على حورية فرغلي وأكملت: "كانوا بيقولوا لي إنتي مسخ دميم، وإنتي شبه أبو الهول، وكله بيتنمر عليَّا، وقتها فقدت الثقة في نفسي، ومعنديش علاقة عاطفية، ومابقاش يجيلي شغل بسبب مناخيري، وقتها كنت بتمنى الموت كل يوم بعد لما كنت ملكة جمال.. الناس كانوا بيقولوا عليا مشوهة، وأنا مش بخلِّف ومحدش عايز يتجوزني لأني مبخلفش".
زراعة مناخير وأشارت: "عندي عملية جراحية في مناخيري والعملية الأولى زراعة جسم مناخير فقط، وخدوا جلد من خدودي علشان يطولي مناخيري، وكل ده حصلي من وقعة حصان.
صلاة حورية فرغلي ولفتت: "خلال فترة محنة مَرضي قربت من ربنا، وكنت بصلي، وكنت باقول لربنا مش عايز أرجع ملكة جمال، ولكن عايزة أشم وأتذوق وأعيش بشكل طبيعي".
مفاجأة عن حورية فرغلي وأشارت: "بعد 5 سنين من مشكلة عدم الشم أول حاجة شمتها في أمريكا كانت مخدر الحشيش، ولما سألت أخويا قال لي الحشيش هنا عادي".
