أعربت الفنانة فريدة سيف النصر عن رفصها نظام ال 15 حلقة في المسلسلات، خصوصا أنه تم عرض أكثر من عمل في رمضان الماضي بنظام ال15 حلقة، من ضمنهم كوفيد 25 للفنان يوسف الشريف ومسلسل "بين السما والارض" ل هاني سلامة ومسلسل أحسن أب ل علي ربيع. استياء فريدة سيف النصر وكتبت فريدة سيف النصر عبر فيس بوك:" اللي مهتم بفنه يرد انا مش متخيله نرجع للثمانينات وماقبلها ونظام سباعيه و15 حلقه طيب مانضغط ونخليها حلقه ولا اتنين اتعملت تجربه بنجمتين محبوبتين ولم تدوي كالمنتظر برغم تميزهم مالحقوش لأن علي بال ماتسمع ويقولوا لبعض تكون عدت. وتابعت "فريدة":" ومين قال انها اوفر انتاجيا نفس الديكورات اللي بتتبني هي هي والاماكن اللي هتتأجر لما تكون مده بيخفضوا عن وقت قليل..حاجات كتير والكتابه والاخراج وتعايش الفنان..شوفوا الاعمال الكبيره العايشه مافيش حاجه اسمها اسبوع وخمستاشر ده شغل ملو وقت بث وشرايط فارغه. والنتيجه ايه؟ الاسم ان الناس اشتغلت سباعيه واركنها واركنهم وايه مش اشتغلتم.والسربعه دي فن بلا بصمه. هل اكتفينا بالقديم.والاجزاء. ودلوقتي هانمشيها لايت كوميدي او ستاند اب .او ست كوم .ونقلبها تفاهه هو في ايه لو مش عايزين الفن زي الاخوان ماكانوا بيعملوا قدام مدينة الانتاح قولوا ونخلص لكن كده حتي الدول العربيه مافيش الكلام ده ولا اميركا حتي ده في اجزاء مستمره من عشرين سنة. وأكملت فريده قائلة:" يا جماعة أدوا العيش لخبازه لو ياكل نصه.. ومسألة جداول للعمل، المخرج لازم يكون له رأي ورؤيه في المناسب إحنا مش بنوزع تموين.. وأنا معاكم ان عالاقل عمل في السنة يبيض وش الناس بس مش في مكان غير مناسب.. الفن ابداع مش وظيفه.. من الآخر الله يخرب بيت اللي افترا ونهبها واتفق مع وش السعد وخربوها وكان سبب الشقلبه اللي احنا فيها دي. واستطردت: بصوا أنا ماباشتغلش كتير خالص علشان حد يقوللي طبعا زعلانه على تامر، لأ انا زعلانه علي مهنه بعشقها هبه من الله موهبه شايفاها بتتخنق مش بيتوسع عليها زي مالناس فاكره، وحلو جدا اتفاقيات مع جهات انتاج خارجيه مين بقي اللي قال انهم مالهمش ناس ممكن يفرضوهم ولهم فكر علي راسنا بس هل الاختيار هايتكمل ووجهات النظر الفنيه هاتيجي منين؟ واستكملت: زمبليطه في الصالون هي كده خلاص وافهموا احنا بيتتاجر بينا مش بعيد ننزل مزاد انا عن نفسي طوظ ضربوا الاعور علي عينه..اصلا مع اللي بيفهموا فن كان شغلي زيرو لازم علاقات.فما بالك في اللي مالهمش فيه مش هاتمتع بموهبتي خلاص هايدوروا عالاسماء اللي اتهرت شغل مالازم يثبتوا انهم جابوا الكبار والله ما فنا لكن اجرا اتاخد في غفله من الزمن ولما فاقوا جت علي دماغ اللي زينا برضه. وأضافت: هانشوف اصلا اللي اتعمل في خمس سنين يكفي فيهم الاختيار بجد.واعمال متنوعه مابين دراما كوميدي اكشن واكيد في الممتاز والنص نص عادي..هو بس هادعي تاني الله يخرب بيته ال مش عايزه اشتم ..اللي كان سبب اللي حصل الهي مايربح هو ورجالته وقرايبه وشلته ومخرجه القشه اللي قطمت ظهر البعير. واختتمت: اللي هايحصل والسنه قدامكم ورمضان لو عشنا بالكتير اختيار 3، وهانشوف وقسما بالله اللي كان السبب لو مين يتحاسب عاصبابيه دي والتخبط، معلش اصل دي مهنتي اللي بحبها فا حقيقي استقرارها استقرارنا كلنا يارب. مسلسل موسي يذكر أن الفنانة فريدة سيف النصر شاركت في مسلسل موسي للفنان محمد رمضان الذي تم عرضه في رمضان الماضي.
