يواصل المخرج والمؤلف يوسف سليمان علي مسلسل عركة أمريكاني، الذي يعتمد علي الوجوه الشابة، وهو من نوعية مسلسلات "السوشيال ميدديا" ويتضمن 10 حلقات مختلفة وكشف المخرج والمؤلف تفاصيل مسلسل "عركة أمريكاني" في تصريحات خاصة ل"فيتو" قائلا:" هو مسلسل ينتمي إلى الأعمال الدرامية القصيرة ويتضمن 10 حلقات وتدور أحداثه حول الميراث". و أضاف "يوسف":" الفيلم يعتمد علي الوجوه الشابة ومن بطولة أحمد أبو سنة وإبراهيم عطية وإسراء أبو زيد ورامي عبد الله ومخرج منفذ ابرام سامي وأخراج وتأليف يوسف سليمان". وفي سياق آخر أعرب عدد من النجوم عن رأيهم في ألاعمال الدرامية القصيرة من أبرزهم فريدة سيف النصر التي أثارت الجدل بسبب منشور عبر حسابها الشخصي علي موقع التواصل الإجتماعي "فيس بوك". استياء فريدة سيف النصر وكتبت فريدة سيف النصر عبر فيس بوك:" اللي مهتم بفنه يرد.. انا مش متخيله نرجع للثمانينات وما قبلها ونظام سباعيه و15 حلقة طيب ما نضغط ونخليها حلقه ولا اتنين اتعملت تجربة بنجمتين. وتابعت "فريدة":" ومين قال إنها أوفر إنتاجيا نفس الديكورات اللي بتتبني هي هي والماكن اللي هتتأجر لما تكون مده بيخفضوا عن وقت قليل.. حاجات كتير والكتابه والاخراج وتعايش الفنان.. شوفوا الاعمال الكبيره العايشه مافيش حاجه اسمها اسبوع وخمستاشر ده شغل ملو وقت بث وشرايط فارغه". وقالت:" النتيجه ايه؟ الاسم ان الناس اشتغلت سباعيه واركنها واركنهم وايه مش اشتغلتم. والصربعه دي فن بلا بصمه. هل اكتفينا بالقديم. والاجزاء. ودلوقتي هانمشيها لايت كوميدي او ستاند اب.او ست كوم. ونقلبها تفاهه هو في ايه لو مش عايزين الفن زي الاخوان ما كانوا بيعملوا قدام مدينة الانتاح قولوا ونخلص لكن كده حتي الدول العربيه مفيش الكلام ده ولا امريكا حتي ده في اجزاء مستمره من عشرين سنة". وتابعت:" يا جماعة أدوا العيش لخبازه لو ياكل نصه.. ومسألة جداول للعمل، المخرج لازم يكون له رأي ورؤية في المناسب إحنا مش بنوزع تموين.. وأنا معاكم ان عالاقل عمل في السنة يبيض وش الناس بس مش في مكان غير مناسب.. الفن ابداع مش وظيفه.. من الآخر الله يخرب بيت اللي افترا ونهبها واتفق مع وش السعد وخربوها وكان سبب الشقلبه اللي احنا فيها دي. وقالت: بصوا أنا ماباشتغلش كتير خالص علشان حد يقوللي طبعا زعلانه على تامر، لأ انا زعلانه علي مهنه بعشقها هبه من الله موهبه شايفاها بتتخنق مش بيتوسع عليها زي مالناس فاكره، وحلو جدا اتفاقيات مع جهات انتاج خارجيه مين بقي اللي قال انهم مالهمش ناس ممكن يفرضوهم ولهم فكر علي راسنا بس هل الاختيار هايتكمل ووجهات النظر الفنيه هاتيجي منين؟
