إيه يا حمار.. هو أنا مش عاجبك انطق.. قول رَدْ عليه وقال لي ياصاحبي حالك أصبح مش معقول كل شوية نازل لي مظاهرة إنت كَمِثْلي بتاكل فول تقدر تنطق ولاَّ تقول لي مين عن حالك بقي مسئول أنا وياك شقيان وراكبني لكن أكلي معاك على طول حتقول إني حمار أنا عارف بَسْ بهَمَّك أنا مشغول عمري لا باهتف ولا باتظاهر زي سيادتك.. عامل غول رد عليه صاحبه المتْحسَّر قال يا حمار الحال مقفول لكن بُكْرَة حتعرف إني مش سايب حقي يا مخبول رد حماره وقال له ياريتك مَرَّه تغيَّر طبق الفول