وأقول على المستخبى واللى مش معروف.. أضرب فى ودعى .. وتمللى بادعى.. والمستخبى باقوله ع المكشوف فيه أزمة في الكهربا.. وأزمة في البنزين.. وأزمة في المياه لري الأرض بالفدادين.. وأزمة في الشغل وبطالة شمال ويمين.. وأزمة فيها القضاء بيقول كمان رافضين.. وأزمة في رأسمال الدولة بالملايين.. وأزمة في الأمن والشرطة وفي التموين.. وأزمة في تغذية الطلاب بها مصابين.. وأهل الثقافة في أزمة علي الوزير ثايرين.. وأزمة لرجال صحافة وأزمة في المحامين.. وأزمة حتى كمان في الكون ومشاهدين.. وزحمة في نظام مرور وهيصة بالميادين.. وناس بتشكي م الفوضة بدون تأمين.. ده غير بقى مشكلة النيل وإثيوبيا ومش عارفين.. آخر دكُلُّه البد واحنا لفين رايحين.. أنا ودعي بيقول حاجات انتم بها حاسَّين.. ورئيس وزرائنا عارف إحنا فين واقفين.. وكل حبة بيعلن إحنا مش ساكتين.. وطولوا بالكوحبة.. إنتو مش صابرين؟! وحاقول لك إيه وللا إيه الناس بقول تايهين.. في ألف أزمة وأزمة وإحنا مشتبكين.. وكل يوم وعد لكن مين يصدق مين.. أنا قلت كل اللي عندي وأنتوا مش ناقصين.. تصدقوا صدقوا.. ماتصدقوش.. عارفين.. إن اللي جاي ربنا يستر وقولوا آمين.