يا وزير ماليتنا قول لى.. الجنيه راح فين.. وإيه حكاية القروض وكلنا عارفين.. إن الموازنة بقت فاضية سنة واتنين.. وكل يوم فى اجتماع مع بعثة الملايين.. وتشريعات الموازنة تعترض وتلين.. وكل حبة خبر قال إيه اقتصادنا متين.. طيب وزيه النتيجة.. والعباد صابرين.. بين الغلاء والمعيشة وكل الميادين.. والكل فى تصريحات.. بتفرح المساكين فيه ارتفاع فى السلع.. والناس بقوا تايهين.. وانت ورئيس الوزارة كل يوم قاعدين.. لا شفنا أبيض ولا إسود.. حتى فى التموين.. وكل يوم شكوى طالعة.. ما فيش سولار بنزين.. والحالة واقفة وجيوب فاضية.. ومش عارفين.. حنعمل إيه ولّا إيه.. على فين كده رايحين.. فبلاش بقى تصريحات.. يا إخوانا مش ناقصين.. وهى إيه الحكاية الخلق مش فاخمين.. هو إحنا قمنا بثورة؟.. ليه بقى ثايرين.. ولقمة العيش قضية تخص ناس جعانين.. فبلاش تقول إحنا وإحنا فى الديون واقعين.. وشد حيلك شوية هات لنا قرشين.. أحسن صحاب الديون فوق راسنا أهم واقفين.. والأمر لله تعالى يا ناس يا مصريين.. يا وزير ماليتنا انت فيه وراك تعابين.. وفى مرة تانية حاشوف بختك وأبين زين