سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
الإحباط يسيطر على النشطاء في «ناقصك إيه في مصر».. على: تعليم واحترام لكرامتى وحد أدنى من العدالة.. فاطمة: جواز سفر وتذكرة لأي بلد.. شادي: إنترنت زى البنى آدمين.. ونور: أحس أنها بلدي وآخد حقوقي فيها
حالة من الإحباط والحزن عبر عنها نشطاء مواقع التواصل الاجتماعي "فيس بوك وتويتر" من خلال هاشتاج "ناقصك أيه في مصر"، مؤكدين أنه ينقصهم في مصر عدد من الأمور منها التعليم الجيد والاهتمام بالصحة واحترام أدمية الإنسان المصري وتفعيل القانون على الجميع، حتى أن البعض طالب بتذكرة سفر للخروج من مصر. تعليم قال على ربيع: "ناقصك أيه في مصر.. ناقصنى تعليم احترام لكرامتى حد أدنى من العدالة إعلام محايد... ناقصنى حاجات كتير.. ناقصنى أعيش في دولة مش شبه دولة!!، وأضاف إبراهيم أسامة: "ناقصنى ايه في مصر بغض النظر عن الناس اللى بتبص للعيشة من منظور متخلف "اكل وشرب ونوم وخلفة". وعلقت فاطمة يوسف: "جواز سفر وتذكرة لأي بلد"، ورد إيهاب المصري بقوله: "ناقصك ايه في مصر التعليم ثم التعليم ثم الصحة، والأهم تفعيل القانون على الكل"، وتابع هاني بيومي:"ميبقاش في اختفاء قسرى.. العيش الحرية العدالة الاجتماعية.. هو مافيش حاجة في مصر أصلا بس بص لنص الكوباية المليان.. قول إيه اللى موجود في مصر خليك إيجابى". تأشيرة لأي دولة وقال محمد عارف: "ناقصك إيه في مصر عشان اعيش في مصر كآدمي لازم ابقي مواطن وحاجة الحاجة دي بقي جهة سيادية أو جهة قضائية أو أصحاب مال انا ناقصني الحاجة دي بقي"، وأضاف شادي السيف:"إنترنت زى البنى ادمين اللى عايشين بره" وعلق إسماعيل محمد:"كل واحد يشتغل في وظيفته بما يرضي ربنا.. خاصة اللي في أي مؤسسة حكومية ربنا ينتقم من أي واحد مش بيراعي ربنا في شغله ولا ياخده.. ناقصك ايه في مصر"، ورد طلعت عبد الفتاح: "ناقصني تأشيرة لأي دولة عشان أسيبها"، وتابع رمضان شربيني: "انزل مصر بس ومش هيبقي ناقصني حاجة والله العظيم". شعب نظيف وقال على القناوي: "أكون إنسان أكون بني آدم مش حيوان "، وأضافت ريم رأفت:" ناقصنى أن يكون الشعب مش همجى ونظيف مش يرمى الزبالة في أي حتة في الشارع شعب يحب العمل بتاعه مهما كان عشان نكمل مستقبلنا". وعلقت نور الهدي " أحس إنها بلدي وآخد حقوقي فيها"، ورد محمد أبو هايتي: قول مش ناقصك ايه في مصر كل حاجة غلط في غلط"، وتابع أبو السام: "الآدمية - الحرية - الاحتياجات الأساسية للمعيشة بطريقة لائقة، كل حاجة في مصر ناقصة ماعدا حاجة واحدة.. الحيتان". وقال محمود عبد الرحمن: "ناقصني الأمن والأمان والفلوس والعيشة الكريمة والناس الطيبة والبنات الحلوة أكيد نسيت كام حاجة التويتة الجاية بقي".