الفلاحين فى الغيطان بيصرخوا تايهين.. كتر المشاكل قرفهم بس يشكوا لمين.. ياوزير زراعتنا حاول تعدل الموازين.. بنك الزراعة أو التسليف خانقنا بدين.. وجمعياتنا الزراعية بقى لها سنين.. بتمص فى دمنا ليه بس مش عارفين.. والقطن مركون مافيش شارى بقى له سنين.. ده غير مشاكل بقى فى الرى مش فاهمين.. حنعمل أيه وللا أيه هو إنتوا مش شايفين.. دى مصر كانت زراعة وريفها جوة العين.. ما تقول لنا أيه جرى وحقوقنا رايحة لفين.. مش محتاجين تصريحات وفلسفة وقوانين.. إنزل لنا وشوف مشاكلنا بدون تلوين.. ورجعوا للزراعة مكانها ياحلوين.. حتلاقوا قمح وذرة وقطن بالملايين.. ونبطل الاستيراد ونسد بطن الدين.. وكفاية تطنيش بقي.. والله مش ناقصين ياوزير زراعتنا خف عنا مش ناقصين.. وأنا قلت كل اللى عندى وكلكم شاهدين.. ومرة تانية حاشوف أنجزت أيه يامتين..