وأعرف اللى جو العين.. وأحس باللى جو القلب.. وعايزة أقول كلمتين.. نصحية للتانيين.. الفترة صعبة اللى جاية.. عايزة ريس زين.. مش محتاجين الصراع وتحدى للغاويين.. وبقول لغاوى الرياسة وكل عز زمان.. وف موقع المسئولية وعاش فى كل مكان.. وسمع كلام اللى ضيعنا فى كل مكان.. وخدم معاه واستفاد من فلوسه.. ضرب له ألف سلام.. وكنا عايشين وشايفين كل شيء كان.. والرمل بيقول لكم.. الثورة عايزة ميزان.. وعايزة ناس داقوا طعم الحيرة والحرمان.. وحسوا بالناس وعاشوا القسوة والطغيان .. وأنا شايفة رأى الودع والرمل بيقول إيه.. كل اللى حكموا زمان والحكم ظالم فيه.. والشعب ثار ع النظام اللى فى يوم كانوا فيه .. والرأى للشعب اللى ضحى أولاده.. واللى اختياره د مستقبل لأحفاده.. والانتخاب جاى وحنشوف شعبنا قال إيه.. واللى حيحصل راح أحكى لكم بصدق عليه.. وأبين زين وأقول لك ع الودع وأشوف.. وكل شيء حاعرفه راح أقول له ع المكشوف.