انتصرت الفنانة مي عمر لحقوق المرأة خلال لقائها مع برنامج «قعدة رجالة»، المذاع على قناة «دي إم سي»، وذلك بعد أن فشل أحمد فهمي، متقمص شخصية ملك التنظير، في الاستعانة بأمثلة تقوي من موقف باسل الخياط الذي أدى دور «المتشدد»، وهو ما جعل الضيفة تفرض رأيها عليهما خلال الحلقة، وذلك باعتراف كريم فهمي، حيث قدمت عدد من الآراء المثيرة للجدل نستعرضها في التقرير التالي.. المرأة تحب المفاجآت قالت مي عمر إن أكثر شيء تحبه في الرجل هو «قوة شخصيته»، موضحة: «الشخصية القوية مش معناها إن الراجل يُشْكُم الست، بالعكس الراجل ده ممكن نسميه راجل غبي»، مؤكدة أن المرأة تحب المفاجآت أكثر من أي شيء. «بكره الرجالة اللي شايفه نفسها على الفاضي» عبرت مي عن وجهة نظرها في الرجال بصفة عامة وطريقة تعاملهم مع مشاكلهم الحياتية، بقولها: «مشكلة الراجل إنه حاسس ديمًا إنه معندوش مشكلة، وأصعب حاجة عليه هو إن يعترف بالمشاكل ديت أو يحاول يحلها… وأنا بكره الرجالة اللي شايفه نفسها على الفاضي». اتوقع اعتزالي الفن بعد 30 عام من الآن أيدت مي خروج المرأة للعمل في محاولة منها لإثبات ذاتها في المجتمع، مشيرة إلى أنها في الوقت نفسه لا تقلل من شأن السيدات اللاتي لا يعملن يكتفون بأعمال منازلهم فقط، وتوقعت اعتزالها الفن بعد 30 عامًا من الآن. «الست بتتعب أكتر من الراجل» ترى مي أن حجم المتاعب والمسئوليات التي تلقى على كاهل المرأة أكبر بكثير من مسئوليات الرجل، مبينة: «الست بتتعب جدًا وفي حين إن الراجل مرفه جدًا، هو بيتعب بس في شغله، لكن الست تقريبًا شايلة مسئولية البيت كله.. وفيه ستات بتحب تجمع بين عملها وأمور بيتها، لأنها تبحث عن الكمال، أما الراجل بيركز في شغله بس»، مؤكدة أن محاولة الزوجة التوفيق بين أعباء منزلها وعملها تعد من الأمور المتعبة والصعبة. بدأ فهمي حديثه مع مي باتهامها بعدم التعامل معه بشكل لائق، لترد عليه الأخيرة: «أنت حاسس بده، عشان حساس شوية». مي تسخر من الخياط وفهمي دخلت مي في سجال مع باسل الخياط، حول قدرة المرأة على تحديد أولوياتها واحتياجاتها، فالأخير يصر على أن «الستات مش عارفة هي عايزة إيه؟»، لكن مي استغربت من حديث الخياط، قائلة: «أنت بتتكلم في المطلق، وكلامك مش صح». سخرت مي من حديث أحمد فهمي واستعانة بأمثلة تدعم ما يقوله باسل عن المرأة، بقولها: «أنت بتقول إيه؟.. كلامك سطحي جدًا وملهوش علاقة باللي بنقوله». مي عمر تنصر على «قعدة رجالة» هدوء مي في ردود أفعالها وأثناء حوارها مع باسل الخياط وأحمد فهمي جعل كريم فهمي يُشيد بها، بقوله: «أنت النهارده انتصرتي وأفحمتي أحمد وباسل، أنا شايفك هادية وطبيعية في ردودك». «الست أقوى من الراجل مليون مرة» رفضت مي أي حديث من الثلاثي عن ضعف المرأة، بقولها: «الست أقوى من الراجل مليون مرة، وتقدر تستحمل حاجات كتيرة الراجل ميستحملهاش، هي بتتحمل آلام الحمل لمدة 9 شهور في حين لو الراجل اتشك في أيده بس بيقعد يعيط»، ليهاجمها الخياط وفهمي، قائلين: «بذمتك أنت مقتنعة بالكلام اللي بتقوليه ده!». وفي نهاية الحلقة، وجهت مي حديثها، إلي مقدمي البرنامج الثلاثة: «اتعلمنا النهاردة إن الست أقوى من الرجل، وإن لازم نحضر كويس عشان لما يتقال الستات ضعيفة في إيه؟، نعرف نرد»، ليعقب أحمد فهمي على حديثها: «أنا حساس إننا بدأنا نقلش، بقولك إيه تعالي لما روحك»، منهيًا الحلقة بموقف غريب منه تجاه ضيفته. في كواليس الحلقة، قال الخياط: «كان صعب استفزازها عشان شخصيتها هادية، وكمان كان فيه منطق في كلامها»، أما أحمد فهمي، علق: «مي صعّبة علينا الحلقة النهاردة، عشان هي تعاملت بمنطق (أنا ميهمنيش كلامكم) فتفهة الكلام اللى كنا بنقوله»، فيما أكد كريم أنها الفنانة الوحيدة التي انتصرت على «قعدت رجالة» حتى الآن.
