دافعت المطربة الشابة نداء شرارة، التي فازت في الموسم الماضي من برنامج اكتشاف المواهب الغنائية The Voice، عن الفنانة شاهيناز، وقرارها بخلع الحجاب، وذكرت أنه رغم إعجابها الشديد بإطلالتها بالحجاب، لكنه في نفس الوقت غاضبة من الانتقادات التي واجهتها خلال الأيام القليلة الماضية. كتبت نداء عبر صفحتها الشخصية بموقع التواصل الاجتماعي "فيسبوك": "مش من طبعي اتدخل في مواضيع مثل هذه، ولكن ما يربطني بشاهيناز معرفه طيبة، لا أنتم اللي بتحكموا على الناس ولا تقيموهم، أنا حقيقي زعلت كتير لأنو كان منور وجهها وقلبها الحجاب، ولكن هذا لا يعني إني أحاكم الناس، وبستغرب من كمية التناقض اللي في التعليقات ع الموضوع، والصحافه الصفرا اللي مش راحمه حدا مثال على الحكي قبل خلعها للحجاب". أضافت نداء: "كان الحكي كالتالي هل ستستطيع أن تثبت نفسها وهيه محجبه؟ اللي معلق تقعد في البيت وما في داعي تغني يا ترى رح تنجح او ما رح تنجح، وبعد خلعها الحجاب، اللي بتعلق انا مش محجبه بس اتضايقت انتي بالذات متحكيش ولا كلمه وفي جمله استفزتني الحجاب مبيأكلش عيش هيك صارت وكمان شتم وكلام غريب وإفتاءات بالدين بين مؤيد ومعارض. تابعت نداء: "إنتوا ليش تعبانين بقصص الناس إذا كان خلعها للحجاب مشكله ف 50% من السبب إنتو ما اعطيتوها فرصه ولما حست إنها مش قادرة تتمسك فيه اكتر تخلت عنو بكل احترام بندعيلها بنوقف معها بنقلها كان شكلك أجمل وبنحبك بالحجاب بكفي جلد بهالناس إرحمونا، نفس الكلام نفس النقد نفس الحكي كل مرة، وعلى فكره هذا رأيي الشخصي، بكره بلاقي خبر نداء شرارة تدافع عن شاهيناز لأنها تلمح بخلع الحجاب... stop ارتاحو أنا بعشق حالي هيك متصالحه مع نفسي، مميزه ما بشبه إلا نداء شراره وبغني لأني بحب الغنا لأنو الله رازقني بصوت غير عادي، الحجاب قبل كل شي هو حجاب الأخلاق .. ابدأوا بأنفسكم .. اللهم ردها إلى الحجاب ردا جميلًا".