نعت الفنانة شذى الساحر محمود عبد العزيز، والذي توفي مساء أمس الأول السبت، عن عمر يناهز 71 عامًا بعد تدهور حالته الصحية ونشرت شذى، أمس الأحد، عبر صفحتها على موقع فيسبوك صورة لها وهي طفلة تجمعها بالفنان محمود عبد العزيز، معلقة: "صورة عمرها ٢٥ سنة، الجمهور بالنسبه ليه فقد نجم عظيم و قيمة كبيرة.. بالنسبالي فقدت رجل بمثابه أب". وأضافت: "عمري ماهنسى دلعوا و طيبتوا معانا وإحنا صغيرين ولا معاملته لزيزو من وإحنا أطفال على انه راجل كبير ومسؤول وانه لازم ياخد باله من كريم علشان هو الكبير وإزاي كان صاحب لأولاده قبل مايكون أب". وتابعت: "الله يرحمك يا حبيبي ويصبر محمد و كريم، ولا كلام الدنيا كله هيعوضهم عن وجودك، بس انت عند الأحن من الخلق، وربنا أكيد هيكون حنين عليهم.. إن لله و إن إليه راجعون، مع السلامه يا Uncel محمود.. زي ما كنا بنقولك من وإحنا صغيرين".