قال الرئيس عبد الفتاح السيسي، اليوم الجمعة: «أنا مزعلتش لما رفض البرلمان قانون الخدمة المدنية، البرلمان ده سلطة طبقًا للدستور والقانون، أنا أوضح لهم الحيثيات وهم يمتلكون القرار، دي مؤسسات دولة ولازم نحترمها ونشجعها، ومش كل اللي أنا عايزه البرلمان يوافق عليه، دي دولة، والقرار قرار نواب الشعب». وأضاف السيسي، خلال حواره مع الإعلامي أسامة كمال، عبر شاشة التليفزيون المصري: «هدفنا والبرلمان واحد، وهو مصلحة مصر، مفيش تعارض بين المصالح بينا، ما ينفعش نشكك في بعض»، مؤكدًا أن الدولة تتحرك للقضاء على البيروقراطية. تابع: «بنواجه البيروقراطية وبنجيب نتيجة، لكن المسألة مش هتتحل في يوم وليلة، لأن المسألة بُنيت في سنين طويلة، وقانون الخدمة المدنية كان الهدف منه مساعدتنا في ذلك، وإحنا بنتكلم في 20 - 25 مليون مواطن موظفين في الدولة لازم نراعيهم».