قدّم الفنان أحمد أمين، «ستاند آب» كوميدي، في افتتاح حفل توزيع جوائز السينما العربية، ما أثار ضحكات الفنانين والمتواجدين بالقاعة، خاصة أن بعضهم لم يسلم من سخريته. وبدأ «أمين» فقرته، قائلًا: «ألف مبروك للناس اللي كسبوا كلهم، أنا لاحظت أن الواسطة متدخلة أوي ما شاء الله في معظم الجوائز، ومش في الجوائز بس، ده كل حاجة في الحفل، بدليل إني واقف معاكم، هي ماشية كده». أضاف: «إحنا عندنا هنا الأستاذ طارق العريان داخل بنفرين، أول الشهر يكسب وأخره يكسب، وفيلم (سكر مرّ) داخل ب3 ممثلات بنفس الجائزة، كله لازم يكسب، واللي مش هيكسب هياخد لعبة وشهادة استثمار». تابع: «في مسلسل (تحت السيطرة) الأستاذة (مريم نعوم)، والأستاذ (تامر محسن)، أقنعونا إن (عبد الرحمن أبو زهرة) ممكن يخلف (ظافر العابدين)، ما علينا، مش مشكلة، أقنعونا برضه إن (جيهان فاضل) و(مجدي السباعي) ممكن يجيبوا (هانيا)، إحنا ملناش دعوة، يعني إحنا مش دكاترة، دي مشاكلهم هما، لكن إن هانيا تحب (محمد فراج) في مسلسل فيه (ظافر العابدين) و(هاني عادل)، يبقى لاز نقف واقفة بقى»، موجهًا حديثه ل«فراج»، الذي جلس ضمن الحضور: «طبعًا الأستاذ فراج ممثل عظيم، لما تقلب التليفزيون تلاقي فراج متعرفش تبطل، مش عشان هو هايل، لا، عشان مفيش تبطيل يا فراج مفيش، أنت فاهم قصدي». استكمل: «إحنا عندنا مشكلة في اختيار الممثلين، اختيار الممثلين ليه أصول، ليه قواعد علمية، ومن أهم القواعد العلمية لاختيار الممثلين إن فريق العمل بيبقى مجموعة من النجوم ومعاهم (بيومي فؤاد)، ده عمل ناجح».
