هاجمت الإعلامية عزة الحناوي، الرئيس عبد الفتاح السيسي، مجددًا، في حلقة أول أمس الأحد، من برنامجها «أخبار القاهرة»،الذي يُذاع عبر قناة «القاهرة» الأرضية، التابعة للتليفزيون المصري. وقالت «عزة» مخاطبة رأس النظام المصري: «ترفعون شعار (ضد الشعب المصري)، وكأن الشعب محتل أشر، حتى وصلتوا الناس وخاصة الشباب، إن كل حلمهم إنهم يهاجروا ويسيبوا البلد دي، ده خطر كبير، وحينما ننبه له تطلقون علينا خونة وعملاء وممولين». أضافت: «مثلما يأمر الرئيس الشعب بأن يعمل، عليه أن يعمل أولًا، حتى خطابه الأخير الناس شايفة خطاب لهتلر، وكأنه إعلان الديكتاتورية في البلاد، البلد مش هتتبني بالعواطف». تابعت: «المصريين بيشتغلوا لكن معظم القيادات في الدولة، إن لم يكن أجمعهم، مش بيشتغلوا، وسيادتك كمان مش شغال الحقيقة، ومفيش ملف حليته من يوم ما جيت وتوليت الحكم، وبقى على انتهاء ولايتك الأولى شهور قليلة»، ثم قاطعت ضيفها الكاتب الصحفي أسامة شحاتة، الذي ظل طوال الحلقة يدافع عن الرئيس، وأنهت برنامجها. الجدير بالذكر؛ إن ذلك لم يكن ذلك الانتقاد الأول الذي توجّهه «الحناوي»، للسيسي، فقبل أشهر، طالبت بمحاسبة الرئيس، محملة إياه غرق محافظة الإسكندرية: «كله يتحاسب من أول الرئيس، فين خطته.. فين رؤيته، كل مسؤول لازم ييجي وهو عارف هيعمل إيه، عشان لو معملش يتحاسب.. ده اللي بيسرق جنيه بيتحبس، لو مفيش محاسبة حضرتك (السيسي) هتفضل تتكلم وتوعد ومفيش نتيجة الشعب هيلمسها».
